KILLER DO ÁREA

Este mes o Murillo Viteri á regularidade lévao un xogador que levaba tempo facendo méritos para iso, pero que por unhas ou outras razóns, lesións, traballo, compromisos familiares, etc. se lle estaba a resistir.
 

Ares, 25 de febreiro de 2015.

Estamos a falar de Cesar Vicente, máis coñecido no círculo futbolístico de Ferrolterra por "Chapu". Formado na canteira do Cultural Maniños, onde comezou a súa andaina polo fútbol na temporada 1992 - 93 nas categorías de fútbol base, e onde xogou ata a temparada 1996 - 97. Tras esa temporada incorporouse ás filas do Numancia de Ares onde permaneceu tres anos consecutivos. Posteriormente marchou á SD Barallobre, club onde xogou durante sete anos na súa etapa de xuveníl e modesto. Na temporada 2012 - 13 reincorporábase de novo ao equipo do Cultural Maniños, e nesa mesma temporada cambiaba de novo O Pote por Prados Vellos onde permanece na actualidade.

Chapu é unha das pezas clave no sistema ofensivo do Numancia de Ares, e a súa soa presenza no terreo de xogo xa é unha potencial ameaza para as metas rivais. Sorte de telo nas nosas filas.

O domingo, 8 de marzo, nos prolegómenos do partido que o Numancia disputará en Prados Vellos fronte o Galicia de Mugardos “B”, o representante da adega Murillo Viteri para a zona de Ferrolterra fará entrega do premio a Chapu ao que desde aquí aproveitamos para darlle a nosa noraboa.

A continuación expoñemos as puntuacións medias obtidas polos xogadores en cada un dos partidos do mes de febreiro, asi como as valoracións finais correspondentes a dito mes.

Así están a día de hoxe as puntuacións xerais de cara o Trofeo Murillo Viteri da Temporada, e nas que o cor amarelo identifica o gañador de cada un dos trofeos mensuais anteriores.