SÓ QUEDAN AS FINAIS
Ante a incomparecencia de Fantoches en infantís, a xornada quedou reducida ao partido de alevíns entre Bankia e Los Españoles.

Ares, 26 de xullo de 2012

LOS ESPAÑOLES, 5 – BANKIA, 14 (ALEV)
Na oitava xornada do Torneo, xogábase este xoves o último partido de grupo entre os  alevíns de Bankia e Los Españoles, partido intrascendente para a clasificación pero que tivo dous primeiros tempos moi interesantes, con goles de fermosa factura por ambos lados. En conclusión, un encontro con clara superioridade de Bankia e con moitísimos goles.

Ao remate do partido, Genete “colgou” as medallas de bronce aos xogadores de Los Españoles, terceiros clasificados na súa categoría

BANKIA, 3 – FANTOCHES, 0 (INF)
Neste partido no que se ía disputar o 3º e 4º posto, non se presentou o equipo de Fantoches. Sen comentarios.
Despois da regulamentaria espera, e ante a incomparecencia de Fantoches, Genete entregou as medallas de bronce aos compoñentes de Bankia, coma terceiros clasificados.

E mañá, venres, 27 de xullo chega a xornada final do Torneo, con horario adiantado con respecto ás outras xornadas (comezan as festas do Carme en Ares), e con dous partidos a priori moi igualados:

17.30    FINAL ALEVÍN. BANKIA – XUVENTUDE

18.15    FINAL INFANTIL: COCA JUNIOR – NARANJA MECÁNICA

Ao remate dos partidos, o concelleiro de deportes de Ares, José Juán Vilar, entregará as medallas correspondentes.