ALEVÍNS. ADESTRADOR 2015-16
CÉSAR VIÑAS DIRIXIRÁ O NUMANCIA ALEVÍN
Sete anos despois da súa experiencia co Numancia, César retorna aos banquiños de Ares, nesta ocasión coma adestrador do equipo alevín.
Ares, 21 de xullo de 2015
Na temporada 2007-08 dirixira o equipo de biberóns do Numancia no que estaban nenos coma Pablo Cartelle, Mario, Samuel, Migui, Naim... Na 2008-09 ademais dos biberóns compaxinaba as suas tarefas adestrando o equipo prebenxamín "A" no que estaban nenos coma Saúl, Martín, Jaime, Iván, Fran ... tendo que deixar o club por motivos de traslado laboral. Actualmente traballa coma mestre de Educación Física nunha escola da comarca, o que lle facilita este regreso ao noso club.
Titulado coma Técnico Animador en Actividades Físicas e Deportivas, coma monitor de Fútbol Sala e co título de Adestrador de Fútbol, nivel I, alén de ter realizado múltiples cursos de distintos deportes, desde voleibol, natación, windsurf, vela, baloncesto, frontón, judo, … actividades nas que traballou, e que xa caracterizan de por si a César coma un deportista total, no ámbito do fútbol as súas experiencias céntranse na súa estadía como monitor nas escolas de fútbol e fútbol sala de Pontedeume, así coma unha temporada dirixindo os xuvenís do Cabanas, sen esquecer o xa mencionado paso polo Numancia.
Podemos concluír, pois, en que o Numancia vai contar no seu cadro técnico cunha persoa dunha formación académica e profesional excepcional, amén dunha experiencia moi completa. Porén, os que coñecemos a César e o vimos traballando cos nenos, sabemos do seu trato exquisito, da súa empatía e corrección con eles, reunindo todas as condicións para que a nosa entidade lle confíe os nenos con total confianza e tranquilidade.