BENXAMÍNS: EUME, 1 - NUMANCIA, 10
O NUMANCIA, CLASIFICADO PARA A FASE FINAL
A sorte, esquiva durante toda a temporada cos nosos benxamíns, apareceu no último suspiro, e o empate entre o Caranza e o Val, xunto á vitoria do Numancia en Pontedeume, dálles a segunda posición na táboa clasificatoria. Segundos na Liga, tras o campión, o R. de Ferrol, e clasificados para a Fase Final. Enorme éxito para esta marabillosa promoción de cativos. O xoves, 11 de maio, o Numancia de benxamíns estará no sorteo desa Fase Final.