SALVADOS POLOS MODESTOS

Nova xornada de competición para os distintos equipos do Numancia. Importante vitoria dos modestos, mala xornada no fútbol base e boas sensacións en fútbol - 8. Analizamos:

MODESTOS: Importantísima vitoria do primeiro equipo numantino ante un rival directo como o CD As Pontes "B". Confirmaron o bo momento e seguen achegándose o mais alto da clasificación.

XUVENÍS: Derrota en Prados Vellos ante o Perlío. Parece que tampouco será febreiro o mes no que os xuvenís atopen a regularidade. Seguen fieles a sua traxectoria desta temporada, unha de cal e duas de area.

CADETES: Nova derrota, desta vez caeron en Pontedeume ante un dos equipos fortes da competición. Agardemos que na segunda volta o papel dos cadetes mellore e cheguen nunha boa dinámica a final de Copa en maio.

INFANTÍS: Xusta e abultada derrota en Narón ante o equipo local. Non foi boa a imaxe dos infantís esta semana. Agardemos que recuperen nos próximos compromisos o bo papel que estaban realizando nas últimas semanas.

FÚTBOL - 8: Vitoria ante o Portuarios dos prebenxamíns para seguir no mais alto. Empate dos benxamíns ante o Cedeira nunha liga moi emocionante. Vitoria dos alevíns ante o Cedeira "B" para seguir progresando. Boa xornada do fútbol - 8, gran participación de todos e ningún incidente que lamentar.

BIBERÓNS: Xogaron o último partido da Liga AFACO de fútbol -6 ante o Eume Deportivo no Pavillón de Ares. A partir do mes de marzo retomarán a Liga de fútbol - 8 da AFACO nos distintos campos de Ferrolterra.

En resumo, xornada que deixou un bo sabor de boca despois da importante vitoria dos modestos ó domingo. Seguiremos traballando na base para formar futbolistas.... pero sobretodo, persoas.

O Numancia somos tod@s

¡¡¡AUPA NUMANCIA¡¡¡