CONCURSO DEBUXA O CARTEL: Gañadora
Begoña Muíño Sar, alumna de 4º curso de Primaria do CPI Conde de Fenosa, resultou gañadora do Concurso Debuxa o Cartel, convocado pola Concellería de Deportes do concello de Ares e o Numancia SDR.
Na mañá de hoxe, sábado 16 de maio, o sr. alcalde d. Julio Iglesias entregoulle un vale por valor de 60 euros a trocar en calquera establecemento de Ares en material deportivo. Ademais, o debuxo de Begoña ilustrará o cartel do III Torneo de Fútbol-7, I Memorial Pedro García Vilar.
Noraboa á gañadora e tamén aos demais participantes neste concurso. Con todos os debuxos presentados, organizarase unha exposición no local social do Numancia.