TORNEO DE BIBERÓNS DA AFACO
COMEZARÁ O VINDEIRO 28 DE OUTUBRO
A AFACO organiza un torneo de F-8 de biberóns no que participarán sete equipos: Narón, Neda, O Val, G. Mugardos A, G. Mugardos B, X. Cabanas e Numancia.
Ares, 26 de outubro de 2011.
Como continuación do torneo disputado a temporada anterior, a AFACO acordou organizar por segunda vez esta competición para os máis pequerrechos, cunhas características moi particulares: non se elaborará clasificación; os partidos serán (como referencia) os venres ás 17.00 h.; non existe o fóra de xogo; e os partidos divídense en catro tempos de dez minutos.
Os partidos da primeira xornada están previstos para o venres, 28 de outubro (o NUMANCIA descansa), aínda que sempre se estará pendente das condicións meteorolóxicas, e existirán todas as facilidades para que os clubes se poñan de acordo á hora de modificar as datas.
Finalizada a primeira volta no mes de decembro, haberá un parón ata o mes de maio nesta modalidade de F-8. E nos meses de inverno, con estes mesmos equipos máis o Neda B e o Val B, comezará outro torneo, neste caso de F-5 que se disputará nos pavillóns cedidos polos concellos.
O Numancia participará nas dúas modalidades cos nenos que xa comezaron esta actividade desde primeiros de outubro. Esta actividade de “Iniciación ao Fútbol” ten lugar os martes e xoves no pavillón municipal aresán de 17.30 a 18.30 h.. O monitor este ano é Jorge Martínez Varela, axudado por Cristina Martínez Roel.
Para ver o calendario do II Torneo de Biberóns Asociación A.F.A.C.O. de Fútbol - 8, pica aquí.
Para ver o calendario do II Torneo de Biberóns Asociación A.F.A.C.O. de Fútbol - 5 (Fútbol Sala), pica aquí.