AFECCIONADOS. NUMANCIA, 3 - MUGARDOS B, 1

REMONTADA  NOS ÚLTIMOS QUINCE MINUTOS
Penúltima xornada desta liga e despedida en Prados Vellos cunha vitoria sobre o rival mugardés.

 

Ares, 2 de maio de 2010.

O derbi local entre o Numancia eo Galicia de Mugardos "B" estivo precedido por unha pequena homenaxe que a SDR Numancia rendeulle á tripulación do batel de promesas feminino do Club de Remo de Ares que o pasado fin de semana proclamouse campión de España. As remeiras estiveron arroupadas polos equipos de afeccionados do Numancia e Galicia de Mugados e os xuvenís do Numancia e Eume Deportivo, así como, polo numeroso público que se deu cita en Prados Vellos. As novas promesas foron agasalladas cunha placa conmemorativa do evento que recibiron das mans de Juan Alberto e Oli (adestrador e capitán do primeiro equipo), Jorge (capitán do equipo xuveníl), Quique (capitán do equipo cadete) e Manolo vicepresidente do Numancia.

 

 
ALINEACIÓNS:
NUMANCIA: Sergio; Costa (Rubén, m. 76)), Pedro (Bule, m. 67), Antón, Jauma (Vicente, m. 73); Álex, Jose (Carlos, m. 56), Oli, Dani (Javi, m. 51), Manu e Julio.
G. MUGARDOS B: Javi; Lino, Bollo, Juancho, Esteban, Ángel,  Víctor, Arturo (Leston, m. 61) , David Romero, José Ángel e Pedro (Jose, m. 61).


GOLES:
0 – 1  (m. 41): Pedro
1 - 1  (m. 79): Javi
2 – 1 (m. 81): Manu
3 – 1 (m.93): Manu

COMENTARIO:

Antes de dar comezo o encontro gardouse un respectuoso e emotivo minuto de silenzo en recordo de D. Fernando Iglesias Bujones, finado recentemente, un dos socios de ouro do Numancia, dende o ano 1953. D. Fernando moitas grazas por todo, descanse vostede en paz.

MINUTO A MINUTO:
PRIMEIRA PARTE:
m. 1: Falta no lateral da área; saca Dani e despexa a defensa a córner.
m. 10: Outra falta que saca Dani á área, controla Manu e, á media volta, dispara alto.
m. 13: Control de David Romero fóra da área e tiro desviado.
m. 15: Falta que saca Dani no medio campo, remata  Álex de cabeza e saca Javi cando entraba o balón na portería do Mugardos.
m. 17: Balón que mete Dani para Manu; este toca coa cabeza, entra na área pequena, escorado, e dispara ao poste, saíndo fóra o balón.
m. 23: Cesión de Antón a Sergio, este despexa mal co pé e o balón chega a Arturo que dispara desviado.
m. 26: Falta indirecta dentro da área; saca Jose para Dani que tira frouxo ás mans do porteiro.
m. 31: Julio recolle un balón e avanza para a área disparando por riba do traveseiro.
m. 35: Xogada por banda dereita do Mugardos e centro de David Romero que saca a defensa; o balón chega a Bollo que centra e rexeita o aresán Pedro a córner.
m. 36: Córner que saca o Mugardos, sae mal Sergio e remate de Esteban ao poste.
m.  37: Disparo desviado de Ángel.
m. 40: Pase de Julio a Jose que dispara, chapando Javi.
m. 41: GOOOOOOOOOOOOOL DO MUGARDOS B! Numancia, 0 – Mugardos B, 1. Internada de Pedro na área, dribling a Antón e disparo raso ao primeiro poste.
SEGUNDA PARTE
m. 2: Mal disparo de Dani, o balón chega a Julio que controla e tira, tocando nun defensa e saíndo a córner.
m. 9: Tras saque de falta, Manu remata de cabeza moi alto.
m. 14: Esteban lanza un balón a saque de falta que sae fóra, pegado ao traveseiro.
m. 22: Xogada de Álex con pase a Javi; este intenta regaterar ao porteiro que envía o balón a córner.
m. 27: Pase de Javi e disparo de Julio desde o borde da área que se estrela na escuadra, saíndo fóra.
m. 33: Expulsión de Rubén (acaba de entrar no partido) por empurrón a un contrario. O Numancia queda con dez xogadores.
m. 34: GOOOOOOOOOOOOOL DO NUMAN!. EMPATAN O PARTIDO OS LOCAIS!. Falta que saca Bule e Javi remata de cabeza a gol.
m. 36: GOOOOOOOOOOOOOOOOOOOOL DE MANU! NUMANCIA, 2 – MUGARDOS  B, 1: Falta directa lanzada por Manu que entra pola escuadra.
m. 39: Expulsión de Juancho por dobre cartón amarelo.
m. 41: Falta lanzada por Javi que sae fóra cerca do pao.
m. 42: Pase en profundidade de Oli para Manu que centra para que Julio dispare, por dúas veces, despexando a defensa.
m. 44: Falta directa que saca José Manuel e chapa Sergio.
m. 45: Outra falta contra o Numancia. Nesta ocasión é Esteban quen lanza, obrigando a Sergio a unha gran estirada, enviando o balón a córner.
m. 49: GOOOOOOOOOOOOOOOOOOOOOOOOOOL DE MANU!. NUMANCIA, 3 – MUGARDOS B, 1. Julio lanza unha falta, o porteiro toca coa man deixando o balón morto para que Manu aproveite a ocasión e consiga o terceiro gol.

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.