AFECCIONADOS. CALENDARIO PRETEMPORADA 2016/17
LUNS, 1 DE AGOSTO, PRESENTACIÓN DO EQUIPO.
Xa temos as datas de pretemporada do Numancia de 2ª autonómica. A presentación está fixada para o luns, 1 de agosto, ás 20.30 h. en Prados Vellos.
Ares, 18 de xullo de 2016.
Na primeira semana de agosto volverá a actividade futbolística a Prados Vellos coa presenza do primeiro equipo do Numancia. Unha temporada máis, Marcos Amor será o adestrador dos afeccionados, estando axudado por Cartelle no banquillo.
Na segunda semana, concretamente o martes 9 ás 20.30 h. teremos a oportunidade de ver o primeiro partido do Numancia 2016/17, ante os veciños do Xuventude de Cabanas. E o domingo, 14, será o Galicia de Mugardos quen visite Ares para disputar o trofeo das festas de S. Roque.
Outro partido confirmado é o do domingo, 21 de agosto. Ese día disputarase o trofeo do Concello de Ares, entre o Numancia e o Eume.
A día de hoxe estanse a buscar outros dous partidos amigables para completar esta pretemporada e chegar ao primeiro partido de liga (4 de setembro) co equipo ben preparado para afrontar outra temporada ilusionante.