XUVENÍS. PRESENTACIÓN V TROFEO "A CASA NOVA"
SÁBADO 27 DE AGOSTO: NUMANCIA – G. MUGARDOS e RAYO SADENSE – D. OBRERO
Este martes foi presentada no restaurante “A Casa Nova” a quinta edición deste trofeo de categoría xuvenil que se celebrará en Prados Vellos. No acto estiveron presentes Antonio Guijarro (Rayito) e directivos do Numancia.
Ares, 25 de agosto de 2016.
Chegamos á quinta edición deste tradicional torneo xuvenil, patrocinado polo Restaurante “A Casa Nova” de Ares que se disputará o sábado 27 de agosto en xornadas de mañá e tarde.
O cuadrangular deste ano repite a primeira semifinal entre o Galicia de Mugardos e o Numancia, partido de rivalidade que comezará ás 10.00 da mañá
Ás 11.45 h. dous equipos da Delegación coruñesa disputarán a segunda semifinal. Trátase do Rayo Sadense e do D. Obrero, conxuntos que militan na Primeira Autonómica.
Xa pola tarde, o partido no que se disputará o 3º e 4º posto comezará ás 17.00 h., mentres que a final será ás 18.45 h.
Ademais dos correspondentes trofeos para os catro equipos, doados polo restaurante “A Casa Nova”, tamén levarán trofeo o máximo goleador e o mellor xogador do torneo, regalos de Antonio Guijarro.