Á TERCEIRA FOI A VENCIDA

Foron duas as ocasións nas que estivo a punto de levarse o Murillo Viteri. Nunha delas os seus compromisos laborais e na outra as sancións, impediron que se fixese co galardón.

Ares a 30 de xaneiro de 2013.

É un dos mellores dianteiros, senón o mellor, da 2ª autonómica e una peza clave e fundamental nas vitorias numantinas. Das súas botas xa saíron na presente tempada 14 dianas. Estamos a falar de Javi Fuentes o "Rubio", como é máis coñecido, porque él foi o xogador máis valorado segundo a opinión dos afeccionados no presente mes de xaneiro. O Rubio, cos seus 22 anos de fidelidade ao Numancia como xogador (Tempada 1991 - 1992) é unha persoa capaz de compaxinar a súa profesión coa súa afección. A súa vida dedicada ao mar como armador-pescador profesional, sabedores dos sacrificios que esta profesión entraña, non impiden a este comprometido xogador acudir aos adestramentos e aos partidos, sempre que o seu traballo llo permite. Sen lugar a ningunha dúbida un espello no que se deberían mirar os máis novos.

Noraboa Javi porque é unha distinción e un premio máis que merecido.

O domingo 10 de febreiro nos prolegómenos do partido que o Numancia disputará en Prados Vellos fronte a SD Ánimas, Manel Pérez representante das adegas Murillo Viteri para a zona de Ferrolterra fará entrega do premio a o Rubio, ao que dende aquí aproveitamos para darlle a nosa felicitación.

Estas son as valoracións do mes de xaneiro.

Despois de dezasete xornadas disputadas, Teti continua a comandar a clasificación xeral para optar ao Trofeo Murillo Viteri da tempada.