Inicio Outros Deportes CHAVE. LIGA DE AMIGOS DA CHAVE DE FERROLTERRA
 
 

CHAVE. LIGA DE AMIGOS DA CHAVE DE FERROLTERRA

SDR Numancia de Ares. Outros Deportes. Chave 20109ª XORNADA DO CAMPIONATO DE CHAVE.
OS EQUIPOS ARESANS DÁ 1ª CATEGORÍA VOLVEN PUNTUAR, E NA 2ª O TENIS CAEU DERROTADO POR SEGUNDA SEMANA CONSECUTIVA MENTRES QUE A KAFETA GAÑOU CON CLARIDADE A CASA TILOCHA. 

 

1ª CATEGORIA.

LS LIMODRE, 2 – LAR DE PICAS “B”, 2.
A piques estiveron os de Ares de sorprender ao primeiro clasificado no seu feudo, en dúas partidas intensas e con alternativas para ambolos dous equipos. A primeira partida adxudicáronlla os de Ares por un tenteo de 38 - 43, mentres que na segunda impuxéronse os de Limodre por un axustadísimo 35 - 33. Con este resultado as posicións na parte alta da táboa continúan igual, os de Limodre ocupan o primeiro posto con 28 puntos e os de Ares o terceiro con 23, igualados con O Pazo, que ocupa a segunda posición.
Na primeira partida os chavistas do Limodre foron: Luís (18 chaves), Paco (11) e Juan (9), mentres que polo Lar de Picas B: Tino (15), Javier (15) e Bastida (13). Na segunda partida o equipo de Limodre mantivo os mesmos tiradores, mentres que os de Ares cambiaron a un deles. Polo equipo local tiraron, Luís (13 chaves), Paco (12) e Juan (10) e polo visitante, Tino (14), Javier (10) e Fran (9).

AMBIGÚ CPS, 1 - CC OUTEIRO, 3.
Os tres puntos colleitados polo Outeiro permítenlle alternar a posición na táboa co seu rival. Na primeira partida os de Chanteiro impuxéronse con contundencia ao seu rival. Mentres que a segunda saldouse coa repartición de puntos. Un atinado José polo Ambigú e un desatinado Juan polo Chanteiro equilibraron a balanza nesta segunda partida. A primeira partida finalizou co resultado de 30 - 46. Polo Ambigú tiraron: Riki (12 chaves), José (11) e Adrián (7) e polo Outeiro, Chao (17), Juan (15) e José (14). A segunda partida finalizou en táboas 38 – 38. O Ambigú cambiou a un dos seus tiradores, o equipo compuxérono, José (17 chaves), Paco (11) e Riki (10). O Outeiro mantivo aos mesmos tiradores que na primeira partida, Chao (16 chaves), José (13) e Juan (9)
Logo da novena xornada disputada o conxunto de Chanteiro ocupa a quinta posición da táboa.

2ª CATEGORIA.

EMIGRANTE “C”, 4 - CLUB DE TENIS, 0.
Os do Emigrante C impuxéronse con claridade ao Club de Tenis nun enfrontamento directo por eludir a última posición da táboa. Polo que os de Redes, con esta derrota, volven ser o faroliño vermello.
Na primeira partida os de Limodre gañaron por 28 - 17 e na segunda 32 - 24. Destacar ao tirador do Emigrante Fran Paz que fixo a metade das chaves do seu equipo. Os tiradores do equipo de Limodre na primeira partida foron: Fran Paz (13 chaves), Kike (9) e Kike (Redes) (6). Polo Tenis: Manel (9 chaves), Emi (6) e Capu (2). Na segunda partida ambolos dous equipos cambiaron a un dos seus tiradores, lanzando polo Emigrante: Fran Paz (17 chaves), Kike (8) e Abe (7) e polo Tenis: Manel (9), Emi (8) e Chemi (7).

CASA TILOCHA, 0 - KAFETA, 4.
Clara vitoria dos aresáns fronte aos mugardeses, o que lles permite ocupar unha cómoda sexta praza na parte media da táboa. O conxunto da Kafeta impuxose ao seu rival por un tenteo de 24 - 31 na primeira partida e 25 - 30 na segunda. Os chavistas do equipo da Casa Tilocha na primeira partida foron, Kukin (9 chaves), Carlos (8) e Julio (7), mentres que polo equipo da Kafeta tiraron, Pereira (14), Maniños (9) e Romero (8). Na segunda partida os de Mugardos cambiaron a un dos seus tiradores, Kuki (12 chaves), Julio (9) e Chucu (4); e por parte dos aresáns competiron os mesmos obtendo as seguintes chaves, Maniños (13), Pereira (11) e Romero (6).

PROXIMA XORNADA (10ª)
Para a próxima xornada estos son os emparellamentos:

1ª CATEGORIA.
Lar de Picas B - Lúa Nova.
CC Outeiro - Fumazo.

2ª CATEGORIA.
Club de Tenis (Descansa).
Kafeta - Mesón O Poniente.

 

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.