REMO. V BANDEIRA DE SANTIAGO SUR

EXCELENTE REGATA DAS PROMESAS
Na tarde do sábado 6 de marzo disputouse esta bandeira de bateis na localidade muradá de Esteiro, organizada pola A.R. Esteirana.

  

Ares, 7 de marzo de 2010
A participación do C.R. de Ares foi menor da prevista pois debido a problemas persoais varios remeiros e remeiras xuvenís non puideron acudir á cita. Ademais, a participación este domingo en Chapela, nun descenso en traiñeira, impediu a presenza dos senior. Aínda así, presentaron catro bateis con resultados dispares.
As condicións meteorolóxicas foron moi boas, cun mar en calma e sen vento. Os nosos remeiros xa chegaron a última hora da maná e disfrutaron dun xantar campestre na magnífica praia de Esteiro, na desembocadura do río Maior.
Comezou esta bandeira coa regata das promesas féminas. O batel aresán estaba formado por Cristina Reborido (popel), Nerea (2º popel), Aida Carro (2º proel), Sheila Fernández(proel) e Álex Permuy (patrón). Desde un primeiro momento demostraron a súa superioridade e gañaron con autoridade esta proba.
Continuaron as xuvenís femeninas. Ares tivo que completar este batel con dúas promesas e conseguiron unha digna terceira posición. Nicole Maroño (popel), Yudith Maroño (2º popel), Sara Saavedra (2º proel) e María Saavedra (proel), con Sheila Fernández (patroa) formaron nesta ocasión un batel que debe aprender a dosificarse.
As probas masculinas principaron pola categoría infantil. Iván Romero (popel), Julián Sixto (2º popel), Jonathan Aguilar (2º proel) e Bran Rodríguez (proel), con Aida Prieto de patroa completaron unha boa regata e acadaron a cuarta posición.
Por último, os cadetes que saíron pola primeira rúa, protagonizaron a anécdota da xornada. Cando chegaban á primeira ciaboga á par de embarcacións poderosas como Vilaxoán, desviaron a súa traxectoria equivocadamente, confundíndose de boia e saíndo do campo de regatas. Unha mágoa pois estaban realizando unha boa regata. Daniel Vázquez (popel), Juan Sixto (2º popel), Abraham Vázquez (2º proel), Adán Prados (proel) e Álex Permuy (patrón) foron os compoñentes deste batel aresán.
En definitiva, unha primeira participación neste campionato de bateis que se pecha cun balanzo positivo, que deixa ilusionados a todos e crea expectativas de cara a próximas regatas.
Nos póximos días publicaremos os resultados oficiais desta bandeira.

A vindeira fin de semana, o C.R. Ares terá unha xornada intensa. Á participación na proba de bateis de Rianxo súmase a proba de banco móbil nunha regata internacional en Castrelo de Miño, a onde acudirán Aida Carro, Sheila Fernández, Nicole Maroño e María Saavedra. Tamén está prevista a presenza da traiñeira en Navia.
 

Club de Remo de Ares. Praia de Esteiro na desembocadura do Rio MaiorClub de Remo de Ares. Campo de regatas de Esteiro (Muros)

 

 

 

 

 

 

Club de Remo de Ares. Promesas "Sheila, Nerea, Aida, Cristina e Álex (patrón)"

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.