Comezou o torneo. Resumo da 1ª Xornada.

Comezou o campionato de Fútbol Praia Ares 2011 con 3 partidos na xornada do martes, dous de alevíns e un de infantís. Moitos goles, emoción excesiva e moito ambiente reinaron na tarde aresana.

 As 18:00 disputouse o partido alevín:

VALIENTES, 4 - VERDES, 8.

O equipo dos "Valientes", con moitos benxamíns nas súas filas plantoulle cara ós Verdes. Finalmente a superioridade física dos de Barallobre deulles a súa primeira vitoria.

As 18:45 xogouse o segundo envite alevín:

NORWAYS, 5 - BANKIA, 8.

Neste derbi aresán, comezaron forte os do Norways. Pero o Bankia viuse arriba e foi quen de remontar o partido, gañando finalmente con solvencia. Foi sen dúbida, o mellor partido da tarde do martes, con goles, emoción e tensión deportiva.

Ás 19:30 daba comezo a competición infantil:

PLAYARES, 1 - POLLUELOS, 9.

Superioridade absoluta dos xogadores ferroláns, que venceron con solvencia ó equipo de Ares.
 

Para a 2ª xornada a disputar o mércores 27 temos ós seguintes partidos:

18:00 VALIENTES – CASA ALONSO (alevíns)

18:45 NORWAYS – PADEL FERROL (alevíns)

19:30 VIDEO ARES – PERLIO (infantís)


Vémonos todos este mércores na Praia de Ares, para superar o ambiente da xornada inicial. Xa sabedes, xogo limpo dentro e fora do campo e ¡¡¡A SEGUIR DESFRUTANDO¡¡¡