Inicio Noticias Infantís INFANTIS: I TORNEO CAMIÑO INGLES.
 
 

INFANTIS: I TORNEO CAMIÑO INGLES.

BONITA EXPERIENCIA PARA FINALIZAR A TEMPORADA

O pasado sábado o equipo infantil do Numancia despediu a temporada participando no Torneo de Fútbol - 7 "CAMIÑO INGLÉS" organizado polo Racing San Pedro nas instalacións de A Gándara.

 


Ferrol, 20 de xuño do 2015.

NUMANCIA: Emilio, Jorge, Borja, Jaime, Pablo Vascós, Josema, Dani, Cristian, Saúl, Mario, Martín, Fran, Iván e Manu.

Adestrador: Antonio González Varela.

2º Adestrador: Jorge Martínez Varela.

Delegado: José Antonio Martínez Villar.

O Numancia compartiu grupo con Rayo Sadense, Eume, Real Oviedo "B" e Galicia de Caranza, xogando os tres primeiros partidos no campo de herba artificial e o último no campo de herba natural. Os partidos de duas partes de 15 minutos foron os seguintes:

11:20: NUMANCIA 2 – RAYO SADENSE 1.

Partido bastante equilibrado no que ningún dos dous equipos conseguiu anotar na primeira metade. Despois do descanso os de Sada conseguían o 0 - 1. Nos últimos minutos os goles de Dani e Mario permitiron a remontada do Numancia establecendo o 2 - 1.

13:20: NUMANCIA 2 – EUME 4.

Partido xogado de poder a poder entre os numantinos e o campión da Liga de Ferrolterra. O maior acerto dos eumeses que anotaban os catro goles nas catro ocasións claras que tiveron contrarrestaron os dous goles de Iván para o Numancia.

As 14:15 xogadores e corpo técnico do Numancia xantaron de balde grazas a invitación da organización a todos os equipos participantes. Pasta, pizza, natillas e auga para repoñer forzas na carpa habilitada polo club anfitrión nun ambiente festivo e de convivencia entre os equipos participantes no Torneo.

16:10: NUMANCIA 0 – OVIEDO "B" 9.

Antes de comezar o partido, o capitán do Numancia, Daniel García facía entrega dunha bufanda do Numancia ao equipo carballón recén ascendido á Segunda División inmortalizando deste xeito o primeiro enfrontamento da historia entre Numancia de Ares e Real Oviedo.

O partido que estivo marcado pola calor tivo pouca historia. Os numantinos aguantaron nos primeiros minutos, pero o poderío físico e a extraordinaria calidade dos xogadores do equipo asturiano fixeron que a lóxixa non tardara en impoñerse. Unha vez rematado o partido ambos equipos posaron xuntos noutro novo recordo deste partido tan especial para o Numancia.

17:30: NUMANCIA 0 – GALICIA DE CARANZA 7.

No último partido o Numancia disfrutaba do campo de herba natural de A Gándara xogando ante un rival compricado, o Galicia de Caranza un dos mellores equipos da Liga Galega. Os numantinos con algunhas baixas neste encontro acusaron o cansancio de todo o día e non poideron competir ante un rival de superior categoría que venceu con autoridade aos aresáns.

En resumo, unha bonita experiencia para os numantinos compartindo cartel neste Torneo con Celta de Vigo, Real Oviedo e CD Lugo entre outros e xogando partidos ante rivais de moita entidade e nivel. Unha pena a forte calor que endureceu as condicións dun Torneo perfectamente organizado polo Racing San Pedro ao que dende o Numancia felicitamos e agradecemos enormemente a sua invitación ao mesmo.

Finaliza a temporada 2014-2015 para un Numancia infantil que estivo loitando ata o final para meterse nas semifinais de Copa, logrou un 10º posto na Liga principal da categoría e foi semifinalista da Copa AFACO. Resultados aparte todos os xogadores de segundo ano axudaron moito ao equipo cadete e os 18 compoñentes do equipo que principiaron a temporada finalizaron a mesma. Cuestión de estadísticas...

Agora é momento de disfrutar dunhas merecidas vacacións para cargar as pilas de cara a nova temporada onde o equipo infantil sufrirá unha gran renovación, xa que moitos dos xogadores actuais pasan á categoria cadete.

¡¡¡Moitas gracias a tod@s¡¡¡

NINGUNA MEDALLA VALE LA SALUD DE UN NIÑO

¡¡¡AUPA NUMANCIA¡¡¡

 

 

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.