Inicio Noticias Infantís INFANTIS. NUMANCIA, 2 – NARON, 6.
 
 

INFANTIS. NUMANCIA, 2 – NARON, 6.

DANI: ELES XOGARON CON MOITA MAIS INTENSIDADE


Partido correspondente a 26ª xornada da Liga Infantil Pizza Movil grupo 3, disputado na tarde do sábado en Prados Vellos ante unha boa afluencia de público, con moita representación visitante. O resultado ao descanso era de 0 - 2 favorable ao Narón.


Ares, 9 de maio do 2015.


FICHA TÉCNICA:


NUMANCIA: Emilio (Jorge), Borja, Dani, Jaime, Josema (Raúl), Pablo Vascós (C), Mario, Iván, Cristian, Martín e Adrián (Raúl).


Adestrador: Antonio González Varela.


Delegado: Jorge Martínez Varela.


NARÓN B.P.: Cachaza, Iago (Sergio), Javi Prieto, Adrián (Iker), Javi Rego, Brais, Aarón, Bruno (Daniel), Dani (Ian), Marcos (C) e Yoel.


Adestrador: Juan Manuel Pérez Trinidad.


Delegado: Javier Paz Naveiras.


COLEXIADO: D. Brais Ferreiro Vérez. Amoestou a Marcos no Narón e foi expulsado Yoel tamén nos visitantes.


GOLES:


0 - 1 (BRUNO) Centro dende a banda dereita que remata Bruno no segundo pau (minuto 3).


0 - 2 (MARCOS) Saque de esquina do Narón que remata a gol Marcos libre de marca (minuto 13).


0 - 3 (MARCOS) Balón solto na área do Numancia que aproveita Marcos para marcar (minuto 45).


1 - 3 (IVÁN) Libre indirecto no que Pablo Vascós toca o balón para que Iván anote enviando o balón sutilmente pola escuadra dereita de Cachaza (minuto 50).


1 - 4 (MARCOS) Balón á espalda da defensa numantina que recolle Marcos para superar a Jorge (minuto 60).


1 - 5 (MARCOS) Internada dos visitantes por banda dereita que termina cun pase ao goleador Marcos para que anote (minuto 73).


1 - 6 (MARCOS) Centro dende a banda dereita que remata, como non, Marcos no segundo pau (minuto 75).


2 - 6 (MARIO) Penalti por man dun defensor visitante que transforma Mario (minuto 79).


Última xornada de Liga onde o Numancia rompeu a sua boa racha ante un Narón que veu a Prados Vellos a xogarse a clasificación para a Fase de Ascenso a Liga Galega. Os naroneses con moito apoio nas bancadas e máis intensidade superaron ao Numancia neste partido que nos analiza un dos capitáns numantinos, Daniel Alonso - Vilaverde


COMENTARIOS DE DANI….

Numancia de Ares. DANI nun lanze do xogo no partido contra o Narón.

A XOGADA DO PARTIDO: Unha boa xogada do Numancia foi a que provocou o penalti. Jaime abriu a banda esquerda para Martín, éste recorta e pon un gran centro que remata Mario de cabeza rexeitando o porteiro, o balón chega a Mario para rematar de novo un balón que para un defensor visitante coa man na línea de gol.


A CLAVE: O Narón xogábase moito neste partido e puxo no mesmo máis intensidade co Numancia.


ACTUACIÓN PERSOAL: Non estou moi satisfeito porque neste partido colléronme moito a espalda. O meu aspecto positivo e o golpeo de balón e o negativo a corpulencia física.


O EQUIPO: O equipo comezou o partido durmido e despois non soubo reaccionar. O único que fixemos ben foron as xogadas de estratexia.


O RIVAL: O Narón é un gran equipo reforzado que xogará por méritos propios a fase de ascenso a Liga Galega. Teñen ao pichichi e xogador máis determinante da categoría, o dianteiro Marcos Nieto que fixo 37 goles na Liga, 5 deles no día de hoxe en Prados Vellos. Un xogador que gaña partidos él solo.


O Numancia infantil rematou a Liga entre os 10 mellores equipos infantís da categoría. Bo traballo de todos os rapaces nesta competición, salientando que os 10 xogadores de segundo ano axudaron aos cadetes durante a temporada.


Agora toca pensar na Copa AFACO unha competición bonita xa que a final da mesma será en Prados Vellos. O próximo venres dende as 17:30 en Prados Vellos, Numancia, Galicia de Mugardos e Cultural Maniños buscarán o pase as semifinais nuns cuartos de final que se xogarán en formato de triangular, clasificándose o primeiro do grupo. ¡¡¡Non faltedes¡¡¡


¡¡¡AUPA NUMANCIA¡¡¡


Pulsa no seguinte enlace para ver os resultados, clasificación e fichas técnicas da xornada.

 

 

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.