BOAS SENSACIÓNS; MELLOR CEA DE NADAL.

Partido correspondente a 6ª xornada da Liga Infantil grupo 3, disputado na noite do venres no campo de herba artificial de A Gándara en Ferrol ante numerosos espectadores de ambos equipos.

Ferrol, 5 de decembro de 2014.

FICHA TÉCNICA:

R. SAN PEDRO: Pablo (Jose), Rodrigo, Jorge, Antón, Cristian, Antón (Sergio), Mario (Ignacio), Martín , Manu (C), Javi (Joel) e Rubén (Christian).

Adestrador: Xurxo Pena García.

Delegado: José María Mella Roca.

NUMANCIA: Jorge (Emilio), Jaime, Borja, Dani, Fran (Naím), Pablo (C), Mario, Saúl, Iván (Josema), Martín e Adri (Manu).

Adestrador: Antonio González Varela.

Delegado: Jorge Martínez Varela.

ARBITRO: D. Iván García Rey. Sen incidencias.

GOLES:

1 - 0 (JAVI) Centro dende banda esquerda que remata Javi no punto de penalti (minuto 36).

2 - 0 (MARTÍN) Rápido contraataque dos locais finalizado por Martín (minuto 67).

CRÓNICA:

Visitaba o Numancia infantil a un dos favoritos ao título de Liga. O Racing San Pedro un equipo moi físico e con xogadores rápidos e de calidade que fixo un gran papel no grupo 2º da previa e que se atopa nos postos de cabeza da Liga. Os numantinos estiveron con opcións no partido prácticamente ata o final e contrarrestaron con traballo as numerosas virtudes do equipo local.

A primeira metade foi bastante igualada. Si ben é certo que a posesión do balón correspondía ao equipo local, os numantinos co seu bo traballo defensivo e o porteiro Jorge impedían que os de Ferrol levasen excesivo perigo. Incluso Adri tivo duas opcións de gol que non atoparon premio para o Numancia. Pouco antes do descanso, no minuto 36 os numantinos recibían o 1 - 0 obra de Javi un castigo excesivo antes de retirarse aos vestuarios.

Na reanudación comezou moito mellor o Racing San Pedro que tivo opcións de pechar o partido. Pero os aresán foron volvendo ao partido co paso dos minutos e a falta de 15 minutos Martín tería o empate nun contraataque enviando o balón a escasos centímetros da portería ferrolana. O que son as cousas, Martín “o de Ares” perdonaba o empate e os locais anotaban o 2 - 0 definitivo no minuto 67 por mediación do Martín “o de Ferrol” nunha xogada de contraataque aproveitando que o Numancia buscaba o gol. Co resultado de 2 - 0 favorable aos locais finalizaba o partido.

En resume, boas sensacións do Numancia ante un dos equipos mais fortes da categoría. Bo traballo defensivo e colectivo de todo ó equipo. Esforzándose como neste encontro todos os rivais da categoría terán compricado superar ao Numancia con comodidade. Diso se trata, de seguir mellorando, aprendendo e facéndose xogadores.

Agradecer dende estás líneas o bo trato dispensado ao Numancia polo persoal do Racing San Pedro e de Laureano Bugallo encargado das instalacións de A Gándara. Aproveitar tamén para sumarnos a reivindicación dos equipos de Ferrol dun mellor sistema de iluminación no campo de herba artificial de A Gándara, onde se xogan casi a oscuras moitos partidos de fútbol base semana tras semana. Menos mal que as veces a lua chea axuda aos rapaces.

Na noite do sábado a familia do Numancia infantil (nenos, adestradores, directivos, familiares...) disfrutaron da tradicional Cea de Nadal no Restaurante Cantina de Prados Vellos cun magnífico menú e mellor ambiente. Nesa cea recibiron a visita de Papa Noel que agasallou aos xogadores do equipo infantil cun chubasqueiro do Numancia e colleron forzas para pechar o ano recibindo ao potente Racing de Ferrol en Prados Vellos (19-20 de decembro) e para participar en Sada no Torneo do Rayo Sadense (sábado 27 de decembro). ¡¡¡A seguir disfrutando¡¡¡

NINGUNA BATALLA VALE LA SALUD DE UN NIÑO

¡¡¡AUPA NUMANCIA

Pulsa no seguinte enlace para ver os resultados, clasificación e fichas técnicas da xornada.