Inicio Noticias Infantís INFANTIS. NUMANCIA, 4 - R. DE NEDA, 0.
 
 

INFANTIS. NUMANCIA, 4 - R. DE NEDA, 0.

MAIS GOLES QUE FÚTBOL

Partido correspondente a 6ª xornada da Copa de Ferrolterra infantil, grupo 1, disputado na tarde do sábado en Prados Vellos.

 


Ares 12 de outubro de 2013

ALIÑACIONS

NUMANCIA: Álvaro, Jaime, Raúl Anido, Javi Lemos (Adrián), Fran Anido, Saúl, Antonio (Diego), Dani, Alex Feal (C) (Josema), Iván (Cristián) e Martín.

Adestrador: Antonio González Varela.

2º adestrador: Jorge Martínez Varela.

Delegado: Luís Feal Campos.

R. DE NEDA: David Marcos, Pablo (C), Xoel, Iago, Diego (Alejandro López), Iván, David Rodríguez, Anxo, Juan, Alejandro Díaz (Alberto) e Fernando (Bruno).

Adestrador: José L. Rodríguez López.

Delegado: Raimundo Rodríguez Casal.

ARBITRO: Brais Ferreiro Verez. Amoestou a Bruno do Neda.

GOLES:

1 - 0 (ALEX FEAL) Balón longo a espalda da defensa nedense enviado por Raúl que disputa Alex Feal, estando mais rápido que o porteiro para conseguir o primeiro do Numancia cun bo cabezazo (minuto 15).

2 - 0 (ALEX FEAL) Córner que saca Saúl e remata de cabeza Alex Feal no segundo pau libre de marca (minuto 39).

3 – 0 (MARTÍN) Alex Feal asiste a Martín por alto, para que este último anote nun un contra un diante do porteiro (minuto 50).

4 - 0 (DIEGO) Ataque do Numancia onde Martín asiste a Diego que envía o balón o fondo da rede visitante (minuto 74).

INCIDENCIAS: O Rápido de Neda vestiu coa segunda equipación do Numancia debido a coincidencia nas primeiras equipacións de ambos equipos.

Antes do partido o Numancia infantil sacou a foto oficial da temporada; cos 19 xogadores do plantel, os dous adestradores e o delegado do equipo.

 



CRÓNICA:

Despois da vitoria en Meirás, o equipo infantil do Numancia recibía en Prados Vellos a visita do Rápido de Neda coa intención de seguir sumando e escalando postos na clasificación. Non foi doado no comezo pero finalmente os aresán conseguiron unha cómoda e plácida vitoria.

Na primeira metade ambos equipos abusaron do fútbol directo. O balón estaba mais polo aire que polo chan. Os dous equipos levaban perigo con balóns frontais hacia os dianteiros, que coa axuda das febles defensas levaban perigo as dúas porterías.

E xusto tamén dicir que nos últimos minutos da primeira metade o Numancia baixou o balón e fixo un par de fermosas xogadas que ben poideron terminar en gol; pero que cando menos obtiveron a ovación do respetable.

Nesta loita de fútbol directo estivo mais atinado ó Numancia que grazas ós dous goles dun inspirado Alex Feal foise o descanso con vantaxe de 2 - 0.

A segunda metade foi un monólogo numantino. Posesión do balón do Numancia aínda que non sempre co ritmo e fluídez necesaria para levar perigo a portería rival. Soamente Martín e Diego foron capaces de anotar nesta segunda metade ante un rival entregado; deixando o resultado final no coñecido 4 - 0 favorable os de Ares.

En definitiva, partido onde o importante foron os tres puntos. Encontro tamén que deixou boas sensacións por momentos; e tamén detalles que correxir. Para esto están os adestramentos e os partidos de maior esixencia nunha temporada que aínda está comezando.

A vindeira fin de semana chega o partido mais esperado por todos os rapaces... e tamén polos que non son tan rapaces. Derbi infantil en A Pedreira entre dous equipos moi parellos e moi igualados na táboa. Galicia de Mugardos - Numancia. En pretemporada venceu o Numancia cómodamente en Prados Vellos pero estamos seguros que no anexo de A Pedreira todo será moito mais compricado.

¡¡¡Todos os numantinos tedes unha cita no primeiro derbi oficial da temporada para as categorías do Numancia¡¡¡ Os infantís agardan o voso apoio en A Pedreira o próximo fin de semana¡¡¡

¡¡¡AUPA NUMANCIA¡¡¡

 

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.