Inicio Noticias Infantís INFANTIS: Pretemporada NUMANCIA, 2 - PORTUARIOS "B", 1.
 
 

INFANTIS: Pretemporada NUMANCIA, 2 - PORTUARIOS "B", 1.

Numancia de Ares ADR. Infantís 2013-2014. Numancia 2 - Portuarios PRIMEIRAS RECOMPENSAS

Partido amigable disputado na tarde do xoves en Prados Vellos ante un bo número de espectadores.



Ares, 22 de agosto de 2013.

ALIÑACIÓNS

NUMANCIA: Romaus, Jaime, Dani, Javi, Josema, Pablo Vascós, Anido, Antonio, Diego, Cristian, Iván. Tamén xogaron: Manu, Raúl, Marcos, Saúl, Mario, Mateo e Alex Feal.

Adestrador: Antonio González Varela.

Delegado: Jorge Martínez Varela.

PORTUARIOS "B": Raúl, Antonio, Izan, Álvaro, Marco, Gabriel, Isma, Dan, Martín, Manu, Brais. Tamén xogaron: Adrián, Javi, Andrés e Jesús.

Adestrador: César González Varela

ÁRBITRO: Cristian Vilda Bouza. Sen incidencias no seu debut en fútbol - 11.

GOLES:

1 - 0 Mario. Saque de porta do Portuarios, roubo de balón na presión de Alex Feal que pasa a Mario para que este fusile o porteiro rival con sutileza (minuto 28).

2 - 0 Diego. Balón en longo de Mateo pola banda esquerda recollido por Saúl que dispara forte. O balón rexeita nun defensa e Diego moi atento finaliza a xogada para anotar o segundo gol numantino (minuto 49).

2 - 1 Brais. Gran disparo do xogador visitante Brais dende lonxe que entra preto da escuadra da portería de Romaus.

Segundo partido de pretemporada para o Numancia infantil 2013-2014. O equipo rival foi o Portuarios "B" de Ferrol Vello equipo maioritariamente de primeiro ano e que compartirá grupo copeiro co Numancia.

Nesta ocasión os numantinos trocaban un rival moi físico como fora o Maniños cadete por un mais técnico como o Portuarios "B" infantil. O equipo numantino probou a 18 xogadores dando moitos minutos a todos eles, co gallo de seguir facendo probaturas e acumulando minutos de cara a temporada oficial.

A primeira metade foi bastante descontrolada por ambos bandos. Co paso dos minutos os visitantes estaban mais cómodos no campo, embotellando por momentos os aresáns que se defendían como podían salvando a súa portería. Cando peor estaba o Numancia aparecían Alex Feal e Mario para fabricar o gol numantino que valía para retirarse ó descanso co resultado favorable de 1 - 0.

Os primeiros 20 minutos da segunda metade foron os mellores do Numancia nesta pretemporada. O equipo numantino atopou o sitio no campo e foi capaz de fabricar bo fútbol e chegar con certa claridade a portería ferrolana. Como premio a ese bo fútbol chegaba o 2 - 0 materializado por Diego logo dunha boa xogada por parte dos locais.

Nos últimos 20 minutos de encontro o Portuarios intentou e conseguiu acurtar distancias. O golazo de Brais colocaba o 2 - 1 e levaba a emoción a Prados Vellos. Nos últimos intres do encontro apretaron os de Ferrol Vello pero os numantinos defendéronse con orde e sorte e mesmo poideron anotar algún gol mais se estiveran mais finos na finalizacion das xogadas de contraataque.

En resumo, moi bo partido para os dous equipos de cara a preparación da temporada oficial.

A vindeira semana o Numancia infantil adestrará en Prados Vellos o luns, martes e xoves de 18:20 a 20:00 de cara a preparación do Trofeo Villa de Ares que terá lugar o próximo venres 30 de agosto ante os nosos veciños do Galicia de Mugardos en Prados Vellos.

¡¡¡AUPA NUMANCIA¡¡¡

 

Infantis Numancia de Ares ADR. Tempada 2013-2014.

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.