Infantís: Numancia, 0 - Racing de Ferrol, 7

S.D.R. Numancia de Ares. Infantiles 2010-2011. Numancia, 0 - Racing de Ferrol, 7. Prados Vellos Ares.De mal a peor.

De pésima podemos cualificar a actuación do conxunto numantino ante o Racing de Ferrol podendo mesmo encaixar unha goleada aínda maior. Ao descanso chegouse con vitoria visitante por 0 a 3.

Prados Vellos sábado 29 de Xaneiro de 2011.

Aliñación: Roberto (Antonio 40');Emilio (José Manuel 45'), Alberto, Nico ( Rolo 55'), Marcelo; Óscar, Martín, Miguel, Carlos; Andrés Novoa (Fran Rañales 56') e Iván (Sergio Rico 40').

O partido só tivo unha cor e foi o verde do conxunto ferrolán. A falta de acerto visitante demorou a chegada do primeiro tanto até o minuto 5, cando unha internada por banda esquerda finaliza cun centro á área ben rematada por un atacante visitante. (0-1).
As chegadas locais eran nulas, empeñados en entrar polo centro onde máis efectivos ferroláns había, renunciando ao xogo polas bandas. Só desprazamentos longo sen moito sentido que acababan en pés dos visitantes.
Aínda así o segundo gol tardou en chegar, máis por desacerto visitante que por acerto local, sería no minuto 23 cando cunha recuperación no medio campo propicia un pase a banda esquerda onde o dianteiro racinguista busca a liña de fondo e asiste ao seu compañeiro que chegando desde atrás bate a Roberto. (0-2)
No 29 chegaría o (0-3) nunha nova internada pola esquerda que finaliza cun disparo que con forza entra pegado ao traveseiro polo pau curto.
Con ese resultado chegouse ao descanso
Tras o descanso o equipo non saíu mellor, e no minuto 46 un disparo desde a frontal permitiu ao Racing anotar o 0-4.
No 56 nova apertura a banda dereita centro á área e remate entrando desde atrás para anotar o 0-5.
O Racing baixou o ritmo e nin así conseguiron os locais chegar á área rival. A xogada máis perigosa para o Racing provocaríaa un defensa cun mal despexe que sae á dereita da meta visitante.
No minuto 71, no colmo das desgrazas Rolo despexa mal anotando en propia meta un centro desde a esquerda. (0-6)
No minuto 75, saque de esquina sacado desde a dereita polo Racing que acaba na meta local deixando o 0-7 definitivo.
Este encontro deixa en evidencia a un Numancia que esta roto fisicamente, sen ideas no xogo, lento e desmotivado. O balón queima nos pés e sácase de encima sen sentido. O centro de campo sempre está en inferioridade numérica ante o rival. A presión para recuperar o balón é nula. Non existe o xogo polas bandas. A defensa vese superada. Pero sobre todo non hai intensidade, nin motivación e un conformismo preocupante. A liga pódese facer moi longa se se segue nesta dinámica i é fundamental que xogadores, técnicos, directiva e afección poñámonos á tarefa, cada un na súa medida, de mellorar a situación actual.

 

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.