Inicio Noticias Infantís INFANTÍS. NUMANCIA, 4 - ÁNIMAS, 4
 
 

INFANTÍS. NUMANCIA, 4 - ÁNIMAS, 4

 SDR Numancia de Ares. Infantis 2010-2011. Numancia 4 - Ánimas 4. Prados Vellos.MÁIS GOLES CA FÚTBOL

 Reparto de puntos na estrea da nova equipación co patrocinio do concello aresán.

 
Ares, 22 de outubro de 2010
Cuarta xornada de liga que enfrontaba a dous equipos parellos, no campo de Prados Vellos.
 
ALINEACIÓNS
NUMANCIA: Agustín (Antonio, m.41); Emi, Sergio (Nico, m. 67), Alberto, Marcelo; Óscar, Martín; Andrés (Rolo, m. 68), Fran (Brais, m. 62), Ángel(Miguelín, m. 70)  e Carlos. 
ÁNIMAS: Carlos; Pablo, Brais, Abraham, Alberto, David, Pablo Montero, Diego Santamarina (Pablo Mendizábal, m. 77), Diego Porca, Ángel e Talyton.
 
ÁRBITRO: Fernando Caruncho.
 

 
GOLES:
0 – 1 (9 m.): Erro defensivo na defensa local, entregando o balón ao dianteiro do Ánimas, Diego, quen de disparo cruzado bate a Agustín por baixo.
1 - 1 (12 m.): Ángel consegue o empate, aproveitando un mal despexe da defensa ferrolá.
2 – 1 (17m.): Pase longo de Martín para Novoa quen, dentro da área, cruza o balón ante a saída do porteiro.
2 - 2 (20 m.): Saque de banda favorable ao Numancia que vai dentro da área local, onde se adianta o dianteiro Talyton, que empata o partido, de disparo cruzado.
2 – 3 (45 m.): Disparo de Diego que sorprende por alto a Antonio.
3 - 3 (50 m.): Falta ao borde da área lanzada maxistralmente por Alberto. 
4 - 3 (68 m.): Contraataque local con entrega de Martín para Emi, entrando por banda dereita á área, e pasando para o punto de penalti a Carlos, que controla e coloca pegado ao poste da portería ferrolá.
4 - 4 (m. 85): Balón disputado no centro do campo que acaba en falta favorable ao Ánimas. Ángel efectúa un golpeo directo e o balón supera por alto a Antonio.
 
COMENTARIO:
Ao comezo do partido, o sr. alcalde de Ares, d. Julio Iglesias posa co equipo infantil do Numancia, que loce a nova equipación amosando o logo de “Vive Ares”.
Cando xa ían cinco minutos de desconto, o Ánimas conseguiu o tanto do empate final, nun partido igualado e cheo de imprecisións por ambos equipos. Maior dominio local, con máis posesión de balón, pero con pouca pegada arriba e certa desorde defensiva. Ainda que non somos partidarios de valorar as actuacións arbitrais, si resulta obrigado comentar que no minuto 53, con empate a tres goles, Ángel recibe unha patada por detrás, dentro da área, cando se dispoñía a rematar a portería. Penalti clamoroso que o árbitro non “viu”.
Tamén debemos informar que no minuto 66, o xogador visitante Diego resulta amoestado con cartón amarelo tras unha agresión (patada por detrás a Óscar, sen balón). 
Concluíndo, o equipo do Numancia debe intentar corrixir os erros que está cometendo e intentar aproveitar as oportunidades de gol. Todo isto, sen esquecer que o obxectivo principal ten que ser, por unha banda, o control do balón e a procura de xogadas máis elaboradas; e, por outra parte, conseguir que os vinte e tres nenos que forman este plantel, participen o máximo de tempo posible.
 
 
Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.