Inicio Noticias Alevíns ALEVINS: G. CARANZA “C”, 2 – NUMANCIA, 2.
 
 

ALEVINS: G. CARANZA “C”, 2 – NUMANCIA, 2.

XUSTO RESULTADO

Partido correspondente á 3ª xornada da 2ª fase da liga local alevín no seu grupo 2º, disputado no serán do venres en Caranza entre o Galicia de Caranza “C” e Numancia que finalizou con empate a dous. Ao descanso o resultado era de 0 - 0.



Ferrol 19 de decembro de 2014.

FICHA TECNICA

G. CARANZA “C”: Roberto, Pablo, Abraham, Adán, Raúl (C), Edgar, Hugo e Aroa. Tamén xogaron Martín, Joel, Bruno, Xabier, Miguel e Joaquín.

Adestrador: Borja Fernández Iglesias.

Delegado: Roberto Pérez Tojeiro.

NUMANCIA: Miguel, Pablo, Chechu, Migui (C), Martín, Jaime, Oscar e Martina. Tamén xogaron Diego, Raúl, Martín Miguel, Manuel e Nacho

Adestrador: Alberto Alejandro Durán Morais.

Delegado: Francisco Manuel Iglesias Pena.

ARBITRO: Manuel Jesús Bejarano Estepa. Sen incidencias.

GOLES:

1 - 0: HUGO (min. 28) xogada por banda de Hugo que fai unha parede con Miguel, éste devolve a Hugo quen define ante Nacho.

1 - 1: OSCAR (min. 36) de disparo dende o bordo da área á dereita do porteiro.

2 - 1: EDGAR (min. 39) córner a favor dos de Ares, a defensa local despexa o balón que chega a Edgar en mediocampo, por velocidade vaise de todos os defensores numantinos e define nun man a man diante de Nacho.

2 - 2: PABLO (min. 49) saque de banda sobre Pablo cun desmarque, regatea dous contrarios e marca dende a área pequena cruzando o balón á esquerda do porteiro.

Ultimo partido do equipo alevín do Numancia antes das vacacións de Nadal. Os de Ares desprazábanse na tarde do venres ata Ferrol para medirse ante o G. de Caranza "C".

O partido foi en liñas xerais moi intenso e moi disputado rematando cun xusto empate final que facia xustiza ao visto no terreo de xogo.

Os primeiros minutos do primeiro período foron os de Ares os que levaron a iniciativa dispoñendo dunha grande ocasión de Oscar que se estrelou no longueiro. O Caranza foi pouco a pouco tomando o mando do encontro dispoñendo tamén das súas opcións de cara a porta, pero sucedeulles o que aos de Ares, tampouco estiveron acertados, polo que ao descanso se chegou co resultado do inicio, 0 - 0.

Na reanudación o Caranza saíu con máis intensidade e aos tres minutos Hugo adiantaba o seu equipo. Tras o gol local reacción dos de Ares que oito minutos despois poñían a igualada no marcador por medio Oscar. Pouco durou a alegría visitante, porque apenas transcorridos tres minutos, Edgar adiantaba de novo o seu equipo.

O tramo final do partido foi para os de Ares cun Caranza que defendía o resultado. A intensidade dos visitantes nestes últimos minutos traduciuse no gol Pablo, o que significaba o empate practicamente sobre o asubío final, e o que supuxo o resultado ao remate de 2 - 2.

O equipo alevín do Numancia retomará a competición oficial o próximo 17 de xaneiro, xornada na que os de Ares recibirán en Prados Vellos a vista da E.F. Ensanche.

Dende a ADR Numancia de Ares desexámoslle a toda a familia numantina unhas Felices Festas e un Prospero Año 2015.

Pulsa no seguinte enlace para ver os resultados, clasificación e fichas técnicas da xornada.

Pulsa no seguinte enlace e terás acceso a unha extensa crónica do partido publicada na web de muchacalidad.

Numancia de Ares. Felices Festas.

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.