ALEVÍNS. MANIÑOS, 1 - NUMANCIA, 6
BONITOS GOLES NO POTE
A primeira parte finalizou con 0 – 2.
Ares, 2 de decembro de 2011
Partido de liga correspondente á novena xornada do grupo terceiro, celebrado no campo do Pote de Maniños.
As aliñacións foron estas:
NUMANCIA: Álex; Dani, Jaime, Saúl, Pablo, Diego, Alejandro, Fran, Martín, Marcos, Gabi, Raúl, Diego Varela e Martín Castro.
MANIÑOS: Adrián, Santi, Iván, Héctor, Iago, Daniel, Brais, Iván Casal, Dani, Cristian, Víctor e Isaac.
ÁRBITRO: Daniel Leira López
GOLES: Brais para o Maniños ; Saúl, Alejandro (2) e Fran (3), para o Numancia.
COMENTARIO: O feito de xogar nun campo de herba natural condicionou aos xogadores visitantes nun partido no que case sempre levaron a iniciativa. O adestrador aresán, Taino, tivo a difícil tarefa de repartir os minutos entre os catorce nenos convocados para este partido.
Na primeira parte o Numancia controlou o partido pero só puido materializar dous goles pois non creaban ocasións claras de gol. Os dez primeiros minutos da segunda parte foron decisivos ao marcar catro goles que definiron o resultado, conseguindo goles de fermosas xogadas.