ALEVÍNS. NUMANCIA, 2 - AS PONTES "B", 1.

ADR Numancia de Ares. Alevíns 2010-2011. Numancia 2 - As Pontes VITORIA, ¿CUN GOLPE DE SORTE?
Partido a vida ou morte para seguir con opcións na copa, nun encontro no que a sorte, ou tal vez a picardía do gardameta aresán, decantaron o choque en favor dos de Ares.

Ares 24 de maio de 2011.

ALINIACIONES:
NUMANCIA: Adrián, Fran M., Piñeiro, Adri García, Pablo, Luís, Anton, Fernando, Raúl, Alejandro, Anido e Diego.

AS PONTES “B”: Malena, David, Eloy, Bruno, Manuel, Alberte, Sergio, Sergio, Alejandro, Diego, Sergio, Diego.

COLEXIADO: D. Daniel Leira López (Delegación de Ferrol).

GOLES:
Numancia: Antón e Fernando
As Pontes “B”: Bruno.

 



Partido aprazado da fin de semana por excursión dos xogadores do CD As Pontes “B”, correspondente a penúltima xornada do grupo 1º da Copa alevín Comarcal, desputado en Prados Vellos ante numeroso público.

Nunha fermosa tarde de martes, con sol e moi boa temperatura, recibía ó Numancia alevín o As Pontes “B” na competición de Copa. O Numancia necesitaba a vitoria para seguir tendo opcións de clasificarse. O As Pontes, cun empate neste partido conseguía matemáticamente a clasificación para os cuartos de final.

Con estos alicientes, poidemos disfrutar de un táctico e bonito partido en Prados Vellos. Vimos dous equipos que apostaron polo bo trato de balón, cunha aposta futbolística moi semellante. Comezaba o encontro co Numancia querendo ser dono do mesmo. Os nervios numantinos levaban a imprecisións nos pases, polo que na primeira fase do encontro foron os ponteses os que mais cerca estiveron do gol. Pouco a pouco, foise animando ó Numancia, e collendo mellor o seu sitio no campo. Froito desa melloría, chegarían ás ocasións numantinas en varias xogadas combinativas e accións a balón parado. Con moita igualdade, e sen goles, nos retirábamos ó descanso.

Na segunda metade, saíu mais decidido ó Numancia a pola vitoria. Antón era obxeto de unha falta moi préto da área visitante. Esa misma falta, era executada de forma brillante por Antón para conseguir o 1 - 0 no minuto 7 da segunda metade. Con este gol, o As Pontes estaba eliminado. Ós visitantes sabedores da situación, foron en busca do empate, o cal conseguirían no minuto 12 da segunda metade, grazas a un rexeite aproveitado por Bruno, logo dunha boa parada do porteiro local Fernando, despois dun primero disparo do mesmo xogador. Duro mazazo para ó Numancia, pero os nosos nenos sacaron o orgullo numantino e foron a pola vitoria, sen perder a cabeza nin a súa fe no fútbol mais elaborado. Curiosamente, o gol da vitoria chegaría da forma mais inesperada. Por primeira vez no partido, o porteiro do Numancia, neste caso Fernando facía un saque en longo. Este forte saque, axudado polo vento botou fortemente no terreo de xogo, collendo impulso ata introducirse na portería dun soprendido porteiro visitante. Era o 2 - 1, cando faltaban 8 minutos para ó final do encontro. Neste tramo final, ós visitantes buscaban un gol que lles dera a clasificación, xa que estaban eliminados dos cuartos de final nese momento. O Numancia, defendía con uñas e dentes o seu resultado, para non perder a posibilidade de seguir soñando. Por sorte para a parroquia numantina, o As Pontes non tería a claridade necesaria para conseguir o empate, grazas tamén o bo traballo defensivo do noso equipo. Polo tanto, o encontro finalizou co resultado de Numancia 2 - As Pontes “B” 1.

En definitiva, gran partido de fútbol alevín, desputado por dous equipos que apostan polo fútbol en estado puro. Con este resultado o As Pontes “B” queda eliminado da Copa. Dende aquí queremos felicitalo polo seu bo xogo e desexarlles moita sorte para a vindeira tempada.

En canto ó Numancia, este venres as 18:00 en Caranza termina a fase de grupos enfróntandose o G. Caranza “D”. Será un partido compricado, ante un equipo totalmente de segundo ano, campión do grupo 2 de Liga. Un rival o que xa coñecen ben ós numantinos. O G. Caranza necesita a victoria para clasificarse. Ó Numancia, un empate serviríalle para clasificarse para os cuartos de final da Copa.

Difícil empresa para ós de Ares. Pase o que pase, gran papel dos numantinos nesta Copa, recordando sempre que no Numancia prima a formación dos nenos por riba da competición.

Polo tanto, o Numancia alevín afronta o partido en Caranza sen nada que perder.

Sería desexable, un bo apoio da Marea Vermella en Caranza, o venres as 18:00 para animar o equipo alevín e axudalo a conseguir o seu obxetivo.

¡¡¡Non pode faltar ninguén o venres en Caranza¡¡¡ ¡¡¡Vémonos¡¡¡

¡¡¡AUPA NUMANCIA¡¡¡

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.