BENXAMÍNS. NUMANCIA, 2 - AS PONTES, 6
DERROTA EN PRADOS VELLOS
Duodécima xornada de liga con clara vitoria das Pontes.
Prados Vellos, 19 de decembro de 2009
NUMANCIA: Iván, Álex, Antonio, Diego, Jaime, Martín e Víctor. Tamén xogaron Pablo e Diego Vilar.
GOLES: Jaime (de falta directa) e Martín (remate de cabeza nun saque de esquina)
COMENTARIO: Partido ante un dos equipos situados na zona alta da clasificación, que xustificaron a súa traxectoria na liga cunha clara vitoria en Prados Vellos.
No primeiro tempo os benxamíns locais pelexaron de poder a poder ata que as forzas aguantaron. Na segunda parte, houbo superioridade do equipo pontés, un adversario fisicamente máis forte.
Destacariamos a entrega e o tesón dos xogadores convocados que, a pesar das baixas, deron a cara en todo momento. En especial, salientar o gran partido do porteiro, Iván. Tamén é xusto felicitar ao equipo contrario por saber gañar.