Inicio Noticias Benxamíns BENXAMINS. NUMANCIA, 4 – PERLIO, 0.
 
 

BENXAMINS. NUMANCIA, 4 – PERLIO, 0.

OS DE ARES REMATAN COA IMBATIBILIDADE DO LÍDER


Vitoria do equipo benxamín da ADR Numancia de Ares por catro goles a cero fronte o invatido Perlio na maña do sábado en Prados Vellos. O encontro correspondente a 10ª xornada da 2ª fase da liga benxamín no grupo 2 chegou ó descanso cun marcador de 4 – 0, o mesmo co que rematou.


Ares, 28 de febreiro de 2015.


FICHA TÉCNICA


NUMANCIA: Miguel, Brais, Aarón García (C), Marquitos, Aarón Valverde, Miguel Leira, Joel e Marcos Rey. Tamén xogaron Carlos, Iván e David


Adestrador: Eugenio Margharetto Rodríguez.


Delegado: Francisco Vilasánchez Bardanca.


PERLIO: Aarón, Bruno, Aitor (C), Gael, Mario, Pedro, Oscar e Martín.


Delegado: Santiago Salgado Morado.


ARBITRO: Roberto Díaz Cruz. Sen incidencias.


GOLES:


1 - 0: Joel (min. 1), balón á banda esquerda para Joel quen alcanza o lateral da área para marcar de disparo raso.


2 - 0: Marquitos (min.4), pase en profundidade para Joel situado en banda esquerda, dende o pico da área pon un centro chut ao segundo pau por onde entra Marquitos para marcar.


3 - 0: David (min. 13), córner que bota o Numancia, Aarón García prolonga cara atrás por onde entra David para rematar a porta.


4 - 0: Iván (min. 20), mala cesión dun defensa ao porteiro que intercepta Iván para marcar de disparo cruzado.


Na mañá do pasado sábado visitaba as instalacións de Prados Vellos un Perlio que contaba os seus partidos por vitorias. Con esta xornada daba comezo a segunda volta da competición. Os de Ares no partido de ida caeran derrotados en Os Pinares por un marcador de 6 - 1.

Numancia de Ares. Equipo benxamín antes do comezo do partido.

Comezaba un partido que pronto se lle poñía de cara aos de Ares, pois nada máis iniciarse Joel marcaba o primeiro gol local. Aos poucos minutos Marquitos marcaba o segundo gol aresano encarrilando o partido para os de Ares. Reaccionaba o Perlio por medio dun contragolpe conducido por Oscar que o porteiro local, Miguel, enviaba a córner. Da saída dese córner xerábase un contragolpe dos de Ares que remata tamén nun córner, pero que, nin Joel, nin Marcos Rei, nin Marquitos, acertarían a meter entre os tres paus. Mediado o primeiro período chegaría o terceiro tanto aresano, saque de esquina que Aarón García peinaba cara a atrás e David remataba ao fondo da rede. Respondía o Perlio por medio de Mario que remataba fóra un saque de esquina. A dez minutos de final, Iván interceptaba unha cesión dun defensa ao porteiro e marcaba o cuarto gol aresano. Con este resultado de 4 - 0 finalizaba unha primeira metade na que o equipo de Ares puxo o xogo e marcou o tempo do partido. O Perlio tratou de sorprender á contra e a balón parado pero non obtivo premio.


A segunda parte foi máis igualada, houbo moito centrocampismo e as chegadas ás portarías foron máis ben escasas. Destacar un disparo cruzado de Aarón García ao que non chega David no segundo pau por moi pouco. E para o Perlio, un balón morto na área que Aitor remata a gol, pero que Carlos vindo dende atrás, no último suspiro sacao fora na mesma liña de gol. Finalmente o partido remataba co resultado coñecido de Numancia 4 - Perlio 0. E deste xeito tamén remataba a imbatibilidade do líder do grupo.


O próximo fin de semana o equipo benxamín do Numancia desprazarase ata Ferrol para disputar a 11ª xornada de competición medindose o G. de Caranza “D”.


Pulsa no seguinte enlace para ver os resultados, clasificación e fichas técnicas da xornada.

 

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.