EMPACHO DE GOLES.

Partido correspondente á 3ª xornada de liga local benxamín, no sua primeira fase, disputado na mañá de sábado nas instalacións de Prados Vellos, e que rematou coa vitoria dos aresanos.

Ares, 4 de outubro de 2014.

FICHA TECNICA

NUMANCIA: Miguel Iglesias, Carlos, Iván, Aarón, Marquitos, Miguel Leira (C), Davicito e Marcos Rey. Tamén xogaron Brais, Axel e David López.

Adestrador: Eugenio Margharetto Rodríguez.

Delegado: Antonio Lemos Margharetto.

R. SAN PEDRO: Bruno, Fran, Hugo, Jorge, Javi (C), Adrián Lorenzo, Adrián Rey e Oscar. Tamén xogaron Iñaki e Yogo.

Adestrador: Luís Alberto Lobo Filgueira.

Delegado: Borja Sueiras Rodríguez.

ARBITRO: José Luís Corral Franco. Sen incidencias.

Partido de benxamíns sen moita historia, no que os pupilos de Genete e Antonio dominaron claramente durante os cincuenta minutos regulamentarios a un voluntarioso e loitador San Pedro. Ao descanso os de Ares tiñan un claro marcador de 5 - 0. Miguel Leira, Axel, Marcos Rey e David López (2), serían os autores dos tantos locais.

A segunda metade continuou polos mesmos rumbos, e os de Ares anotarían outros seis goles, para finalizar o partido co coñecido resultado de Numancia 11 - R. San Pedro "B" 0. Neste segundo período marcaron, Axel (2), Miguel Leira (2), Aarón e Marquitos.

Con tres xornadas disputas, dúas vitorias e unha derrota, os numantinos colócanse cuartos na clasificación xeral, empatados a puntos co San Sadurniño e o Cedeira.

O próximo fin de semana os de Ares visitarán o campo do líder, a SD O Freixo "B" de Narón. Encontro de suma importancia para manter aspiracións.

O noso agradecemento a José Manuel Leira por facilitarnos a reportaxe gráfica do partido.

PICA AQUÍ para ver os resultados da xornada e a clasificación.