CONTINÚA A BOA RACHA.

Vitoria do equipo prebenxamín “B” da ADR Numancia de Ares por nove a un fronte o G. de Caranza “B” nunha fría maña do sábado en Prados Vellos. O encontro correspondente a novena xornada da 2ª fase da liga prebenxamín no grupo 2 chegou ó descanso con vitoria local por 5 - 1.
 

Ares, a 31 de xaneiro de 2015

FICHA TÉCNICA

NUMANCIA "B": Oscar (C), Leo, Cristián, Mateo García, Mateo Martínez, Alejandro, Sergio e Mario. Tamén xogaron Luís e Papa Omar.

Adestrador: Borja Vilasánchez Rodríguez.

Delegado: Ángel Blanco Cartelle.

G. CARANZA “B”: Hugo, Manuel, Daniel, Alexander, Martín, Iker, Thiago (C) e Anxo.

Adestrador: José Fernández Amado.

Delegado: Ignacio Pato González.

ARBITRO: Pablo Peña Díaz. Sen incidencias.

GOLES:

0 - 1: Iker (min. 6), perdida de balón dos de Ares no círculo central co que se fai Iker para en xogada persoal chegar á frontal da área dende onde bate a Oscar.

1 - 1: Papa Omar (min. 9), centro de Luís á área para Alejandro que dispara próximo á frontal, o porteiro rexeita o balón do que se aproveita Papa Omar entrando dende atrás para marcar.

2 - 1: Alejandro (min. 11), xogada combinativa dos de Ares que inicia Sergio na frontal dereita da área con pase cara ao centro para Mario, éste abre á esquerda para Alejandro quen libre de marca envía ao fondo da rede.

3 - 1: Alejandro (min. 16), roubo de balón de Alejandro en banda dereita, entra na área polo lateral e pon un centro chut que toca o porteiro, pero non o suficiente para evita que o esférico supere a liña de gol.

4 - 1: Luís (min. 21), forte disparo de Luís dende tres cuartos de campo que supera o porteiro por arriba.

5 - 1: Luís (min. 23), novamente de disparo afastado.

6 - 1: Leo (min. 35), dende a frontal da área ao aproveitar un rexeitamento da defensa visitante.

7 - 1: Cristian (min. 40), de disparo dende fóra da área.

8 - 1: Alejandro (min. 44), balón rifado na área do que se aproveita Alejandro para marcar.

9 - 1: Luís (min. 47), gol directo de Luís de saque de esquina.

Saía algo durmido o equipo numantino nos primeiros minutos de xogo ante un Caranza algo máis agresivo. Así conseguiron adiantarse os ferrolanos co gol de Iker despois dunha xogada persoal súa. O gol levantou da cama aos aresanos, quitaronse o pixama, calzáronse a camisola vermella, comezaron a quentar motores e pouco a pouco foron entrando no partido. Aos nove minutos Papa Omar igualaba o choque ao aproveitar un rexeitamento do porteiro despois dun disparo de Alejandro. O gol do empate levantou definitivamente os ánimos locais e supuxo o pistoletazo de saída da goleada local. Apenas uns minutos máis tarde e despois dunha bonita xogada de combinación dos de Ares, Alejandro poñía o 2 - 1 e daba a volta ao marcador. Este mesmo xogador sería o que no minuto dezaseis marcaba o 3 - 1. O Caranza puido acurtar distancias con dúas contras consecutivas, pero afortunadamente para os intereses locais os dianteiros ferrolanos non estiveron acertados. No tramo final do primeiro período, dous novos goles, ambos os dous de Luís, establecían o 5 - 1 co que chegabamos ao descanso.

Na segunda parte foi máis do mesmo, o Numancia fíxose co control do balón e foi o claro dominador do partido. Os de Ares apenas pasaron apuros neste segundo período ante un Caranza que foi minguándose fisicamente en parte debido a que soamente contaban cos oito xogadores de campo. Os goles de Leo, Cristian, Alejandro e Luís deixaban o marcador no coñecido resultado de Numancia "B" 9 - G. de Caranza "B" 1.

En resumo moi bo partido dos aresanos que seguen sumando unha semana máis, Partido no que cabe destacar a boa actuación do xogador biberón Mario que botaba unha man ao equipo prebenxamín suplindo a ausencia de efectivos.

O próximo fin de semana o equipo prebenxamín “B” do Numancia desprazarase ata Pontedeume para disputa a décima xornada de competición fronte o Eume Deportivo.

Pulsa no seguinte enlace para ver os resultados, clasificación e fichas técnicas da xornada.