CARNAVAL, CARNAVAL...

Partido correspondiente a 15ª xornada da Segunda Galicia grupo "A", disputado na tarde do sábado nun campo de Prados Vellos que rexistrou unha magnífica entrada

Nos prolegómenos do partido,o representante das Bodegas & Vinos Ares, Alex Pérez entregoulle a Dani Espiñeira o premio como mellor xogador do mes de Febreiro.

No descanso do partido, sorteouse entre todas as mulleres presentes no campo de fútbol un ramo de flores, para conmemorar o Día Internacional da Muller. A aficionada mugardesa, Lida Ponce foi a afortunada e recibiu o ramo de flores de mans dos capitáns dos dous equipos, Julio Escudero e Jose Martínez.

CRÓNICA:

Miguel Carballeira e Jose Antón dispuxeron dos seguintes xogadores neste partido:

NUMANCIA: Arnoso, Óscar, Antón, Teti, Marcelo, Elías, Fran Ripas, Dani Espiñeira, Julio, Ángel e Chapu. Tamén: Alex Pita, Martín, Amenedo, Pablo Ferro e Kike (p.s.)

Gran ambiente en Prados Vellos para ver o terceiro derbi da temporada entre aresáns e mugardeses, os dous primeiros, na Pedreira caeran do lado numantino, pero na tarde do sábado en Prados Vellos foron os visitantes os que se fixeron coa vitoria. Chegaba o Numancia ferido despois da dura derrota ante o Valdoviño da pasada xornada. Por contra, o Mugardos "B" chegaba eufórico despois de vencer con claridade na Pedreira ao San Sadurniño. O estado de ánimo dos dous equipos notouse no partido. Os visitantes, saíron serios e decididos ao campo ante un Numancia ausente, nervioso e demasiado precipitado. Romerito, facía o 0-1 no minuto 3 aproveitando un balón ás costas da defensa numantina. Tardaron os nosos en entrar no partido, pero no minuto 12 unha boa parede entre Chapu e Dani Espiñeira e finalizada por este último en gol, facendo o 1-1. Pouco despois chegaba unha ocasiòn clara de Romerito e outra do noso xogador, Ángel. No minuto 22, o visitante Marcos recibía un centro dende á dereita para cunha bonita volea facer o 1-2. Chapu e Ángel tiñan o empate, pero Alex Yañez respondía con dúas paradas. No 44, unha internada de Óscar por banda dereita finaliza cun centro que Chapu recolle para anotar o 2-2, "a reviravolta" xusto antes do tempo de descanso.

A segunda metade comezou igual que a primeira, co Numancia durmido e con gol visitante. De novo Marcos Varela aproveitaba a relaxación da defensa vermella para facer o 2-3. Con centrocampismo e a tensión crecendo transcurría a segunda metade, ata que no minuto 70 unha bonita asistencia de Chapu é aproveitada por Alex Pita para facer o 3-3. Lonxe de virse arriba co empate, os nosos sucumbiron no último tramo de partido ante un conxunto mugardés mais fresco e centrado. Alex Otero facía o 3-4 cabeceando un córner na área pequena de Carlos e Josiño facía o 3-5 transformando un claro penalti. Os tres puntos marchaban xustamente para Mugardos para sorpresa e decepción da parroquia numantina e para ledicia da afición mugardesa.

Clasificación e resultados da xornada.

Acta abreviada do encontro.

Galería Fotográfica do encontro.

En definitiva, un derbi no que o Galicia foi mais intelixente e mais efectivo ante un Numancia demasiado relaxado e impasible, que en ningún momento tivo a intensidade qu require un derbi. Bonita tarde de fútbol e convivencia en Prados Vellos, nun clima de deportividade e respeto (mais alá dos piques clásicos dun derbi) e na que a Garda Civil soamente apareceu en forma de aficionado do Galicia de Mugardos disfrazado. ¡¡¡¡Que así sexa sempre¡¡¡.  Últimamente nos derbis, estamos dando exemplo. ¡¡¡Noraboa a todos¡¡¡

Os nosos céntranse xa no partido do próximo domingo ás 18:00 no Municipal de Moeche. Toca facer limpeza emocional para intentar competir o mellor posible nas últimas seis xornadas de Liga, buscando finalizar no pódium da categoría. Posteriormente chegará a Copa, que este martes 12 de Marzo sortease no local da Real Federación Galega de Fútbol en Ferrol.

AUPA NUMANCIA