Inicio Noticias Xerais SAN MATEO CF 1 - ADR NUMANCIA DE ARES 2
 
 

SAN MATEO CF 1 - ADR NUMANCIA DE ARES 2

ADR Numancia de AresTRES PUNTOS CAROS E MOI NECESARIOS

Partido correspondiente a penúltima xornada da Primeira Volta da Segunda Galicia, grupo "A", disputado na tarde do domingo no campo de Trasancos, cunha boa afluencia de público.

San Mateo, 3 de Febreiro de 2019

CRÓNICA:

Miguel Carballeira e Jose Antón dispuxeron dos seguintes xogadores neste partido:

NUMANCIA: Kike, Amenedo, Antón, Vicente, Teti, Elías, Ivan Pivo, Marcelo, Espiñeira, Joaquín e Ángel. Tamén: Carlos Arnoso, Martín, Pablo Ferro, Óscar e Fran Ripas.

Temporada 2018-2019 SEGUNDA GALICIA GRUPO 3º A. San Mateo, 1 - Numancia, 2Tarde de domingo con boa climatoloxía nun campo de Trasancos cun aspecto mais que aceptable, tendo en conta a semana de choivas. Comezaba o partido cunha clara ocasió que o porteiro local enviaba a córner, no primeiro minuto de xogo. No primeiro tramo de partido, o encontro foi bastante aberto, chegando os dous equipos con bastante claridade as áreas rivais. No minuto 18, Ángel aproveitaba o rechace do porteiro tras un lanzamento de Espiñeira para facer o 0-1. Dominaba o Numancia, e gozaba de dúas ocasións claras, nunha delas Espiñeira atopábase co porteiro e noutra era Ángel quen mandaba o balón alto. O xogador local Jomaka gozaba da ocasión mais clara para o San Mateo, cun cabezazo que batia co pau da portería de Kike. Antes do descanso, o Numancia sufría as lesións fortuitas de Teti e de Ángel, tendo que ser os dous sustituidos. Iso provocou algún que outro desaxuste no noso equipo, polo que o tempo de lecer veu ben aos nosos. No descanso, Antón, tamén mancado deixaba o seu sitio na defensa a Óscar.

A segunda metade comezou con ocasións para o Numancia. Joaquín disparaba fora por moi pouco e Vicente de cabeza mandaba o balón ao travesaño. Pero o que conseguiu o gol foi Sergio para o San  Mateo, ao cabecear con acerto un balón tras un saque de esquina, establecendo o 1-1. Ese tanto non afectou en demasía ao Numancia, e poco despois era Joaquín o que finalizaba con éxito unha bonita xogada de ataque numantino para facer o 1-2. Na última media hora de xogo, os nosos gozaron de imnumerables ocasións para ampliar o marcador, sobretodo nas botas de Dani Espiñeira ou Joaquín. Pero unhas veces ó porteiro, outras os paus ou a mala puntería permitían seguir con vida aos locais. Por sorte, a vitoria do Numancia non correu perigo e os tres puntos tan necesarios viaxaron para Prados Vellos.

Queremos agradecer a amabilidade e o bo trato amosado hacia o noso club pola familia do San Mateo CF nas dúas visitas que realizamos esta temporada ao campo de Trasancos. Moitas gracias e sorte para o que resta de temporada.

Clasificacion e resultados da xornada

Acta abreviada do encontro

Galería fotográfica do encontro

Despois desta xornada, onde os dous primeiros clasificados, Perlío e Valdoviño empataron nos Pinares e na que o terceiro, o Neda venceu na casa ao Mugardos "B", o Numancia queda como cuarto clasificado, a tres puntos do segunda praza que da dereito a xogar a Fase de Ascenso e a sete puntos do líder, o Perlío. Na próxima xornada, a última desta Primeira Volta, recibiremos en Pradcos Vellos a visita do sempre perigoso, UD Cebarca. Será o domingo ás 16:30 e contamos como non pode ser doutra maneira, co fiel apoio da Marea Vermella que sempre acompaña ao noso equipo. Xuntos somos mellores...

AUPA NUMANCIA

 

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.