Inicio Noticias Xerais PREVIA FIN DE SEMANA 16 DE DECEMBRO
 
 

PREVIA FIN DE SEMANA 16 DE DECEMBRO

ADR Numancia de Ares.FIN DE SEMANA CON PARTIDO SOLIDARIO

Achéganse as datas do Nadal, pero antes teremos aínda por diante dúas xornadas de competición. A primeira, terá lugar este fin de semana, onde xogan todos os nosos equipos, agás os cadetes e os prebenxamíns que teñen xornada de descanso por calendario.

MODESTOS: O domingo ás 16:15 terá lugar o último partido do primeiro equipo en Prados Vellos neste 2018. Os de Miguel Carballeira e Jose Antón reciben ao ADC Moeche, coa intención de seguir na boa línea de resultados neste arranque da Segunda Fase. No descanso deste encontro, o Presidente de Cáritas de Ares, recibirá por parte do noso club todos os alimentos recollidos na nosa gran RECOLLIDA DE ALIMENTOS. Por iso, pedimos a todos os espectadores que se acheguen o domingo en Prados Vellos que aporten algún que outro alimento para facer aínda mais grande a cantidade que se lle dará a Cáritas de Ares neste PARTIDO SOLIDARIO.

XUVENÍS: O sábado as 18:00 no campo de San Claudio en Ortigueira, os de Chemari e Cartelle visitan ao equipo local. Os rapaces buscarán a terceira vitoria desta Segunda Fase para seguir nos postos altos do segundo grupo da categoría. Posteriormente, ás 22:30 os xuvenís celebrarán a cea de Navidad no Bar Avenida de Ares.

INFANTÍS: O sábado ás 11:30 os de Ángel Mahía e Alberto Iglesias visitan ao Eume Deportivo. Os infantís comezaron a Liga empatando na casa ante un dos favoritos, a SD O Val. Nesta segunda xornada buscarán unha vitoria en Pontedeume para comezar con forza esta Liga do grupo principal da categoría.

FÚTBOL - 8: Todos os equipos de fútbol - 8 xogan o venres. Abren a xornada os alevíns de Genete e de Eloy, recibindo ás 17:00 (horario modificado, xa que inicialmente era ás 17:30) ao Galica de Mugardos, nun derbi da Liga Alevín grupo primeiro. As 17:30 xogan dous equipos. Os benxamíns de Dani Espiñeira e Juan Escudero xogan en Sinde ante a SD O Val na segunda xornada. A mesma hora, os biberóns de Jorge Martínez disfrutarán do seu segundo partido da temporada. Será ás 17:30 no Pavillón de Neda, devolvéndolle desa maneira a súa visita ao equipo local.

AUPA NUMANCIA

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.