ESTRELAS DA SEGUNDA AUTONÓMICA FERROLÁ.
ONCE IDEAL DA 2ª AUTONÓMICA DE FERROL, TEMPORADA 2017/18
Entre os once "seleccionados" encontramos a Teti, Pita e Chapu.
Ares, 31 de maio de 2018.
Reunidos esta pasada fin de semana os xogadores do equipo de afeccionados do Numancia no restaurante A Casa Nova, tras unha cea de confraternidade coas súas correspondentes copas, xurdiu na conversa a idea de confeccionar o equipo de afeccionados da 2ª Autonómica de Ferrol, posto a posto. Se houbo unanimidade en certos nomes, noutros casos puxéronse de manifesto valoracións moi diferentes. En todo caso, o tema serviu para prolongar a xuntanza conversando de fútbol. Aquí vai a proposta dos modestos numantinos:
Porteiro: Iñaki (Maniños).
Lateral dereito: Ángel (Maniños).
Central dereito: Teti (Numancia).
Central esquerdo: Manu Amado (Neda).
Lateral esquerdo: Aitor (Meirás).
Medio centro: Fabio (Cebarca).
Medio dereito: Dani Zapa (Maniños).
Medio esquerdo: Popo (Narón).
Extremo dereito: Pita (Numancia).
Dianteiro centro: Chapu (Numancia).
Extremo esquerdo: Pelé (Maniños).
Adestrador: Manel Montero (Meirás).
Árbitro: Víctor Villaverde.
Por certo, algún xogador tamén lembrou cal puido ser o “mellor momento” da temporada, a anécdota do campionato: “Eu lembro aquel partido co Valdoviño no que iamos gañando por 3 – 1 e, tras unhas decisións bastante desafortunadas do árbitro, Carballeira entra ao campo para dicirlle a Bejarano, indicándolle cos dedos o empate a 3 goles: “Ya está, ya está. Lo has conseguido”.