AQUEL NUMANCIA CAMPIÓN DO 82/83

35 anos despois teremos a oportunidade de lembrar aquela histórica temporada 1982 – 83 na que o Numancia se proclamou campión de Liga da 2ª Rexional, co conseguinte ascenso á 1ª Rexional, así como tamén campión de Copa.

Ares, 4 de maio de 2018.

Para celebrar a conquista deses títulos, e por iniciativa de Manel Pérez, organízase un xantar o sábado 2 de xuño, na cantina de Prados Vellos, estando aberta a participación non só aos gloriosos xogadores dese equipo campión, senón tamén a calquera afeccionado, directivo ou ex-directivo que queira reencontrarse con todos eles. 

Como anécdota hai que recordar que durante a primeira volta da liga o Numancia xogou todos os partidos coma visitante, ao non dispoñer do actual campo de Prados Vellos ata a segunda volta. Por tanto, tamén Prados Vellos celebra o seu 35º aniversario.