Inicio Noticias Xerais ANÁLISE DA XORNADA DO 18 DE MARZO DE 2018
 
 

ANÁLISE DA XORNADA DO 18 DE MARZO DE 2018

CANDO NON SE GAÑA, APRÉNDESE

Non foron os mellores os resultados acadados polos nosos equipos na pasada xornada, a cal analizamos a continuación:

MODESTOS: Despois de tres vitorias consecutivas, tocou a cruz da moeda. Derrota no campo de Os Pinares nun partido da zona alta ante o Perlío. Despois dunha primeira metade igulada, a expulsión de Berto no principio da segunda metade condenou a un Numancia que sufriu un baixón físico, moi ben aproveitado polos de Fene para levarse os tres puntos.

XUVENÍS: Dura goleada a encaixada polos rapaces en Pontedeume ante o líder, o Eume Deportivo. Toca aprender da dolorosa derrota e levantarse canto antes para afrontar os vindeiros compromisos.

CADETES: Dobre ración de fútbol tiveron os cadetes esta semana. O sábado desfacíanse con claridade do colista, o Amistade Meirás "B" en Prados Vellos.  O mércores recuperaban o partido adiado ante o Narón "B"; nun dos peores encontros dos rapaces no que vai de Liga, cando menos conseguían rescatar a última hora un punto do campo de O Cadaval.

INFANTÍS: Derrota contundente en Prados Vellos ante o Racing de Ferrol "B", nun partido no que os infantís volveron a contar coa axuda de xogadores alevíns de primeiro ano.

FÚTBOL - 8: A piques estivo de dar a sorpresa o alevín "A" ante o líder, o G. Caranza, a domicilio. Os ferroláns remontaban o partido para conseguir a vitoria. O alevín "B" caía tamén ante o líder do seu grupo, a SD Val "D" en Prados Vellos. Os benxamíns, loitaban sen premio ante o Perlío en Ares; ao igual que os prebenxamíns en Neda, nun partido ao que acudiron moi mermados.
Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.