Inicio Noticias Xerais ANÁLISE DA XORNADA DO 11 DE MARZO DE 2018
 
 

ANÁLISE DA XORNADA DO 11 DE MARZO DE 2018

FIN DE SEMANA CON FINAL "FÉLIX"

Xornada marcada pola borrasca Félix, que obrigou a adiar todos os partidos da tarde do sábado. O primeiro equipo e os conxuntos de fútbol - 8, puideron xogar os seus partidos con relativa normalidade.
Ares, 14 de marzo de 2018.

MODESTOS: Terceira vitoria consecutiva do noso primeiro equipo, que parece recuperar as boas sensacións nestas últimas semanas. O G. Caranza foi desta vez a vítima do acerto goleador dos nosos xogadores o pasado domingo invernal en Prados Vellos. Triunfo importante para manterse na quinta praza e quizáis aspirar a algo máis. ¡¡¡Toca seguir así¡¡¡

FÚTBOL BASE: Os equipos xuvenil, cadete e infantil non puideron xogar os seus partidos en Prados Vellos, Narón e O Val, respectivamente, na tarde do sábado. A Xunta de Galicia suspendeu a xornada debido a unha alerta laranxa que por sorte non foi tan brava como se anunciou; pero que obriga aos nosos equipos a buscar unha nova data para estes encontros, tendo que xogarse os mesmos antes da finalización da Semana Santa.

FÚTBOL - 8: Os máis pequenos xogaron o venres, librándose en parte das alertas e famosas cicloxéneses. Aínda así, todos os partidos estiveron condicionados polo vento. O alevín "A" caía en Prados Vellos ante o líder, o Narón Freixo. O alevín "B" tropezaba na Gándara ante un duro e correoso Racing San Pedro. Os benxamíns, por pouco se traen a vitoria ante un Mugardos que se viu axudado polo aire nos minuos finais para empatar. Os prebenxamíns fixeron un bo partido a domicilio ante o G. Caranza "B" e descubriron o complicado que é xogar ao fútbol contra vento e marea.
Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.