PREVIA DA XORNADA DO 26 DE NOVEMBRO DE 2017
VOLVEN A SEGUNDA AUTONÓMICA A PRADOS VELLOS
Último fin de semana de novembro, no que teremos ata catro partidos en Prados Vellos.
Analizamos o que nos agarda na fin de semana:
MODESTOS: Volve o primeiro equipo a Prados Vellos. Será o domingo as 16:30 con motivo da segunda xornada de Liga. Visitará o noso campo o ADC Moeche, quizáis o equipo revelación da temporada e que na primeira xornada foi quen de empatar co C. Maniños na casa. Buscarán os modestos os primeiros puntos nesta esixente Liga e para iso agardan contar co apoio da fiel afección numantina.
XUVENÍS: O sábado ás 16:00 no Municipal de Neda buscarán os primeiros puntos da Liga ante o equipo local, nun encontro que se presume bastante igualado.
CADETES: O sábado ás 16:30 en Prados Vellos ante o AD Miño debutan os cadetes no grupo 2 da Liga, logo de descansar na primeira xornada. Con ilusión e moral afrontan os rapaces esta liga, sabedores que soamente xogando como un equipo, partido, a partido, chegarán os bos resultados.
INFANTÍS: O venres ás 18:00 en Prados Vellos reciben a un dos mellores equipos da categoría, o CD As Pontes coa idea de seguir aprendendo e de competir dignamente na liga mais forte.
FÚTBOL - 8: O alevín "A" inicia o grupo 2 da Liga recibindo ao Racing San Pedro o venres as 17:00 en Prados Vellos. Os benxamíns, xogan a última xornada da fase previa ante o SCDR Ánimas "B" o venres as 19:00 nos campo de A Gándara - 3. Prebenxamíns e alevín "A" agardan polo comezo nas suas Ligas do grupo 1 das respectivas categorías.
¡¡¡Vémonos os campos...¡¡¡
¡¡¡AUPA NUMANCIA¡¡¡