ANÁLISE DA XORNADA DO 13 ó 15 OUTUBRO
OBXECTIVO CUMPRIDO PARA OS MODESTOS
Despois dunha semana longa con ponte incluída, os equipos do Numancia xogaban a pasado fin de semana unha nova xornada de competición. Así foron as cousas para todos eles:
Ares, 16 de outubro de 2017
MODESTOS: Entre cinzas e ceo contaminado, conseguían o domingo unha clara vitoria ante o San Mateo para certificar o pase a "Liga dos mellores", onde 12 equipos loitarán polo título e o ascenso a Primeira Galicia. Os afeccionados disfrutaron dunha tarde plácida de fútbol en Prados Vellos. Afeccionados e afeccionados que cada día son máis. Tres partidos quedan para finalizar a Primeira Fase, tres partidos para repartir minutos e seguir recuperando aos mancados.
XUVENÍS: Escaparon tres puntos importantes de Prados Vellos no último suspito. O San Pedro foi mas eficaz, e os xuvenís deberán seguir loitando para clasficarse para o grupo dos mellores.
CADETES: Tiveron xornada de descanso, e xa encaran as tres últimas xornadas da primeira fase.
INFANTÍS: Pese a caer derrotados en Pontedeume. os rapaces numantinos fixeron un gran traballo ante un dos mellores equipos da categoría na Gándara eumesa.
FÚTBOL -8: Derrota axustada do alevín "A" no Val. O alevín "B descansou. Os benxamíns caían por primeira vez nesta tempada ante o Perlío en Ares. Os prebenxamíns, vencían con claridade ao San Sadurniño en Prados Vellos na segunda xornada de Liga.
¡¡¡AUPA NUMANCIA¡¡¡