FERROL ORGANIZA O SEU TERCEIRO CURSO DE MONITOR DE FÚTBOL BASE
Comezará o 13 de abril e celebrarase os luns e mércores de 20:00 a 23:00 horas con Manolo García como coordinador.
O Vicepresidente da Federación Galega de Fútbol, Juan Luis Villamisar Méndez; o Delegado de Ferrol da FGF, Manuel Mesa; o Director da Escola Galega de Entrenadores, Manuel Mosquera; e o adestrador e coordinador da actividade, Manolo García, presentaron a que xa é a terceira edición do Curso de Monitor de Fútbol Base de Ferrol.
A actividade dará comezo o 13 de abril e rematará o 10 de xuño, desenvolvéndose os luns e mércores de 20:00 a 23:00 horas, na sede da propia Delegación de Ferrol da FGF.
O prazo de inscrición xa está aberto e rematará o propio día de inicio de Curso. Para anotarse ou ampliar información os interesados poden dirixirse á Delegación de Fútbol de Ferrol ou directamente á Escola Galega de Entrenadores (
Este enderezo de correo-e está a ser protexido de robots spamers, precisas activar o JavaScript para velo
e www.futgal.es).
Villamisar, Mesa e Mosquera resaltaron a necesidade de que contar, como mínimo, co diploma de Monitor de Fútbol Base para poder dirixir a equipos de fútbol base xa a partir da vindeira tempada e sinalaron tamén a gran demanda existente en Ferrol e comarca, de aí que este sexa o terceiro curso que se organiza na cidade departamental.
Documento coa convocatoria do curso onde aparece toda a información do mesmo e tamén a folla de inscrición.