Inicio Noticias Xerais INTERPRETACIÓN DO HIMNO
 
 

INTERPRETACIÓN DO HIMNO

A LETRA DO HIMNO

Na tarde de onte, gozamos no local de Prados Vellos dunha extraordinaria actuación da agrupación musical “Proxecto Vocal-Concerto Tempo”, interpretando por primeira vez o novo himno do Numancia, elaborado polo profesor de música e aresán de nacemento, Emilio Mesías Farías.

 

Ares, 28 de xullo de 2012
Tras unha breve introdución da directiva do Numancia, salientando a importancia histórica que supón para ADR Numancia o feito de poder contar entre os seus elementos definitorios con este magnífico himno, e despois de manifestar a gratitude co autor do mesmo e tamén cos compoñentes de Proxecto Vocal-Concerto Tempo, Emilio Mesías tomou a palabra e foi explicando cada unha das estrofas de que consta esta composición musical, discurso que esperamos ofrecer en próximos días. Mentres tanto, e para que todos os numantinos vaiamos aprendendo o noso himno, facilitamos a súa letra:

Himno ao Numancia
(Letra e Música: Emilio Mesías Farías)

1.- Do Xuncal a Prados Vellos,
unha historia que contar,
a pelota que nos une
xa non deixa de rodar.

Siareiros nas bancadas,
deportistas a xogar,
todos xuntos desfrutando
deste encontro fraternal.

Rompe e Racha, Aresano
desta unión nacimos nós,
de vermello a camiseta
no Numancia o corazón
no Numancia o corazón!

2.- Ás mulleres loitadoras
que ao noso club ergueron,
e ós homes que adicaron
o mellor dos seus momentos.

Entonamos este canto
que resoa no areal,
é alento ao noso equipo,
nos partidos; a gañar!

Rompe e Racha, Aresano,
desta unión nacimos nós,
de vermello a camiseta
no Numancia o corazón
no Numancia o corazón!


PD: Axiña poderemos escoitar nesta web a música do himno

 

 

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.