Inicio Noticias Xerais XIII ENCONTROS DE NADAL (MUGARDOS) 2ª XORNADA
 
 

XIII ENCONTROS DE NADAL (MUGARDOS) 2ª XORNADA

EMOCIÓN E LEDICIA EN MUGARDOS

 

 
Na tarde do martes 27 de decembro, era o turno para a segunda xornada dos Encontros de Nadal no Pavillón do Cristo, en Mugardos. Nesta xornada, por parte do Numancia debutaba o seu equipo biberón, xogando dous partidos ...
 
Ares, 27 de decembro de 2011
 
...nos que participaron os seguintes xogadores:
 
NUMANCIA: Juan, Isma, David, Axel, Brais, Xerar, Hugo, Sergio Feal, Dani e Lucas.
 
Os partidos xogados polo equipo biberón do Numancia foron os seguintes:
 
NUMANCIA, 4 -,GALICIA DE MUGARDOS “B”, 0
 
Foi un partido con moita igualdade nos primeiros minutos. Pouco a pouco, os numantinos fixéronse donos do encontro, anotando catro goles que lle daban a anecdótica vitoria neste partido. Destacar a importante participación, en forma de minutos dos nenos máis pequenos do equipo, que fixeron un bo traballo durante todo o partido.
 
 NUMANCIA, 6 - RACING DE FERROL,  3
 
Auténtico partidazo de biberóns o que nos ofreceron estos dous equipos. Un Racing moi forte con nenos veteranos nas súas filas impoñíase por 2-1 no descanso a un Numancia que mesturaba na primeira metade veteranía e xuventude.
 Na segunda metade, ampliaba distancias o Racing. Pero os nenos máis maiores do Numancia, fixeron uns últimos dez minutos de partido para enmarcar. Con loita, solidariedade, traballo en equipo e bo fútbol foron quen de levantar o partido que reflectía no electrónico ao final do mesmo un resultado de Numancia, 6 - Racing de Ferrol, 3. Emocionante, vibrante e bonito partido para os nenos e para os seus acompañantes, que gozaron ata o asubío final do gran espectáculo ofrecido por ambos equipos.
 
Boa xornada de martes para o equipo biberón do Numancia, onde xa xogou dous partidos da fase de grupos. O próximo xoves ás 16:25 xogarán co Perlío e ás 19:45 farán o propio ante a SD Val “B”. Do resultado destes dous partidos dependerá a hora na que xogará o Numancia na xornada final do venres. 
 
Para este mércores, volven a escea os prebenxamíns numantinos. Ás 16:25 mídense ante o Galicia de Mugardos “B” e ás 18:05 xogarán ante a SD Val. Nestes partidos decidirase a hora na que os prebenxamíns do Numancia xogarán na xornada final do venres.
 
 
¡¡¡TODOS COS MÁIS PEQUENOS DA FAMILIA ESTA SEMANA EN MUGARDOS¡¡¡
 
 
¡¡¡AUPA NUMANCIA¡¡¡
 
Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.