Inicio Noticias Biberóns BIBERÓNS. R. DE NEDA, 0 - NUMANCIA, 3.
 
 

BIBERÓNS. R. DE NEDA, 0 - NUMANCIA, 3.

Numancia de Ares ADR. Biberóns 2012.2013. R. de Neda 0 - Numancia 3. Juan González (Neda) 16/11/12.SEGUIMOS MEDRANDO

Partido da 5ª xornada do Torneo Afaco biberón de fútbol – 8 disputado na tarde do venres no campo de fútbol municipal de Neda.


Juan González (Neda) 16 de novembro de 2012.

NUMANCIA: Marcos, Aketx, Iker, Isma, Lucas, Raúl, Mateo, Sergio, David e Mario.

 

 



Na tarde do venres, cerca das 16:00, os biberóns, prebenxamíns e alevíns do Numancia invadían as inmediacións do centro de saúde de Ares para partir hacia os seus partidos do fin de semana. Neda, Ferrol e Valdoviño serían os seus destinos respectivamente.

En canto os biberóns, desprazábanse a Neda para xogar ante o conxunto local. Un Rápido de Neda co que xa xogaran na pretempada no Torneo de Mugardos, e que dende aquela, mellorou moito.

No primeiro cuarto do partido o Numancia intentaba impoñer o seu xogo, ante un Neda combativo e moi voluntarioso. Estiveron espesos ós numantinos e non chegaron con claridade a meta local, polo que o primeiro envite rematou sen goles.

No segundo periodo, mellorou o Numancia e chegaban as primeiras ocasións. Nunha delas Lucas aproveitaba un balón solto na área para envíalo o fondo da portería nedense. Ese foi o único gol do segundo envite, que se levaba o Numancia.

No terceiro envite mais do mesmo, un Numancia superior no trato de balón e no ritmo do xogo tiña claras ocasións. Nun saque de esquina sacado en curto, Isma internábase na área e cun disparo axustado batía o porteiro local. Era o único gol que volvía a dar a victoria ó Numancia neste terceiro envite. Tiveron ós nedenses ocasións, pero o bo traballo dos defensas numantinos e do porteiro tivo os seus froitos para manter a portería a cero durante todo o partido.

No último cuarto, o Neda estirouse para intentar conseguir cando menos un gol. De novo os defensas numantinos o impedían. Aproveitou o Numancia os espacios que deixaron ós nedenses; e de novo Lucas conseguía un gol para dar a vitoria ós de Ares tamén neste cuarto.

En definitiva, bo partido de fútbol biberón onde vimos a un Neda moi mellorado e traballador e a un Numancia demasiado serio e práctico para ser biberóns. Seguimos medrando no traballo colectivo e nas axudas. O seguinte paso será intentar conseguir mais goles de forma colectiva, sen abusar de tanta individualidade. Pouco a pouco, son nenos e o primordial e a diversión moi por encima da aprendizaxe.

O seguinte éxame será o próximo sábado en Prados Vellos ante un bo equipo biberón como e o do Galicia de Mugardos. Bonito partido que de seguro será unha boa aprendizaxe para ambos equipos. Con este partido fronte o Mugardos rematará a primeira fase da Liga Biberóns Fútbol – 8 Afaco que retomaremos en marzo de 2013.

Así que ninguén pode faltar ó próximo sábado ás 12:15 para ver en acción por última vez neste ano 2012 ós biberóns numantinos en Prados Vellos. Nada mellor que un derbi ante os queridos vecinos e rivais deportivos do Galicia de Mugardos para despedir o ano en fútbol campo. Non faltedes, paga a pena. A seguir disfrutando.

Aproveitamos para darlle as grazas a Flor (nai de Aketx) por achegarnos  as marabillosas fotos do partido para desfrute de todos.

NINGUNA MEDALLA VALE LA SALUD DE UN NIÑO

¡¡¡AUPA NUMANCIA¡¡¡

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.