Inicio Noticias Afeccionados AFECCIONADOS. CARIÑO, 1 - NUMANCIA, 2
 
 

AFECCIONADOS. CARIÑO, 1 - NUMANCIA, 2

SDR NUMANCIA. 2ª AUTONÓMICA. CARIÑO - NUMANCIA 2009/10SUFRINDO ATA O FINAL

 Primeira xornada de liga con vitoria e tres puntos importantes conseguidos nun campo difícil.

 

Cariño. 06/09/09


FICHA TÉCNICA:

Numancia: Iván; Costa, García, Vicente, Bule; Julio (m. 83:Shuster), Borja (m.53: Pedro), Teti, Óscar; Manu e Pedrito (m. 89: Rubén Allegue).

S.D.R. Numancia de Ares. Temporada 2009-2010. Categoría de Aficionados. Campo de Cariño. 2ª Autonómica. Cariño, 1 - Numancia, 2

Goles:

0-1 min. 36: Pedrito

0-2 min. 67: Julio

1-2 min. 78: ?

MINUTO A MINUTO:

3´: Primeira ocasión para o Numancia. Centro de Óscar ao que chega forzado Pedrito e remata un pouco desviado.

5´: Outra ocasión para o Numancia: excelente combinación entre Manu e Pedrito rematando este último por riba do porteiro. Un defensa do Cariño salva na liña de gol.

7´: Falta directa a favor do Numancia no borde da área. Dispara Costa contra a barreira e o rechace é enviado por Óscar un tanto desviado.

Está dominando o Numancia e perdoando claras ocasións de gol.

12´: Primeira ocasión para o Cariño. Balón en profundidade pola banda dereita do Cariño e dende a esquina da área remate cruzado que sae fóra.

16´: Outra ocasión para os locais. Perda de balón da defensa numantina que propicia un disparo cruzado que sae moi cerca do poste.

Ollo aos despistes en defensa.

18´: Gran disparo de Bule que desvía a córner o porteiro local.

19´: Tras o saque de esquina, Julio envía o seu disparo ao traveseiro e Manu, de cabeza, encontra outra vez o pau no seu remate.

24´: Gran ocasión para Pedrito cuxo remate sae rozando a base do poste.

27´: Ocasión clara para o Cariño. Outro fallo en defensa que facilita un bo remate do dianteiro cariñés que se estrela na cruceta.

28´: Posible penalti a Pedrito.

31¨: Ocasión moi clara para o Numancia. Gran pase de Borja en profundidade a Pedrito quen centra para que Julio dispare alto.

35´: Dura entrada a Pedrito no medio campo. Quizás era unha entrada merecente de amoestación.

36´: GOOOOOOOOOOOOOOOOOL DE PEDRITO!         CARIÑO, 0 – NUMANCIA, 1

Víase vir. O dominio e o control do Numancia tiña que acabar encontrando o gol. Nesta ocasión, nunha falta lanzada á área e tras varios rebotes, o balón chega a Pedrito que resolve desde cerca.

43´: Boa xogada de Manu internándose na área e regateando a varios adversarios. O seu centro non ten consecuencias.

44´: Falta lanzada por Óscar que o porteiro envía a córner.

FIN DA PRIMEIRA PARTE: Aceptable primeira parte do Numancia, creando bastantes ocasións de gol e levando o control do partido.

48´: Comeza a segunda parte con outra ocasión de gol para Pedrito. O córner lanzado polo propio xogador case acaba en gol olímpico.

51´: Outra vez Pedrito remata unha falta lanzada por Óscar. Nova oportunidade de incrementar o marcador.

59´: Contraataque do Numancia cortado en clara falta a Pedrito. Nesta ocasión si hai amoestación.

62´: Agarrón de libro a Pedrito en xogada de ataque. O árbitro sinala a falta mais non amosa ningún cartón.

65´: Puido empatar o Cariño nun remate de cabeza desde cerca.

67´: GOOOOOOOOOOOOOOOOOOOOOOOL DE JULIO!          CARIÑO, 0 - NUMANCIA, 2

Trallazo de Pedrito que repele o traveseiro. O rechace vai a Julio que desde cerca marca o segundo gol.

68´: Balón que Iván consegue rexeitar cara o traveseiro tras remate de cabeza nun córner a favor do Cariño.

70´: Xogadón de Teti dentro da área local con varios regates. Entrega a Manu que, só diante do porteiro, increiblemente bota fóra o balón. Puido sentenciar o partido.

75´: Iván comete falta tras soltar o balón e volver a collelo. Fallo incomprensible. O libre indirecto non ten consecuencias de cara ao marcador.

77´: Pedrito, desde a esquerda coloca un balón na área para que Julio, en posición clarísima de gol, remate fóra. Están desaproveitando as ocasións para resolver definitivamente este encontro.

78´: GOOOOOOOOOOOOOOOOOOOL DO CARIÑO!    CARIÑO, 1 – NUMANCIA, 2

Ante a pasividade e pouca contundencia da defensa aresá, o dianteiro do Cariño, entra pegado á liña de fondo e cede atrás para que o seu compañeiro marque a pracer.

 Ainda quedaban minutos e o Cariño buscou o empate presionando e empuxando mais sen crear ocasións claras. Os seguidores aresáns acabaron o partido pedindo a hora nun partido que debeu quedar resolto con claridade.

6 de setembro de 2009. Xoán.

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.