¡¡¡¡QUE BONITO É GAÑAR¡¡¡

 

Partido correspondente a 20ª xornada da Segunda Autonómica grupo 4, disputado na tarde do domingo en Prados Vellos, que rexistrou unha boa entrada. O partido rematou con vitoria do equipo aresán. Ao descanso o resultado era de 1 – 0.

 

 

 

Antes de comezar o encontro o representante da Adega Murillo Viteri en Ferrolterra, Alejandro Pérez entregou o premio ao xogador máis regular do mes de xaneiro, o capitán Teti. Noravoa.

 

Ares, 8 de febreiro de 2015.

 

FICHA TÉCNICA:

 

NUMANCIA: Cristian, Martín (Álvaro 62´), Antón, Pepe, Teti (C), Paulo (Isma 76´), Adrián, Fer (Roque 80´), Manu (Juan 73´), Julio e Chapu (Ángel 60´)

 

Adestrador: Marcos Amor Roel.

 

2º Adestrador: Manuel Antonio Cartelle Permuy.

 

Delegado: José Ramón Hermida Varela.

 

ROSALÍA: Tino, Alberto (C) (Samuel 46´), Alan (Carlitos 88´), Jose, Mesi, Carlos, David, Felipe, Iván (Adrián 66´), Miguel (Rubi 8) e Alex (Kon 76´).

 

Adestrador: José Carlos Teijeiro Freire.

 

Delegado: José Castro Casal.

 

COLEXIADO: D. Daniel Barrera Lourido. Amoestou a Manu no Numancia e a Mesi e David no Rosalía.

 

GOLES:

 

1 - 0 (TETI) Saque de esquina moi ben lanzado por Julio que remata Teti de cabeza no punto de penalti (minuto 16).

 

2 - 0 (JULIO) Gran pase de espaldas de Chapu sobre Julio para que éste supere a Tino na sua saída (minuto 54).

 

3 - 0 (JULIO) Balón que sae rexeitado para Roque, éste asiste a Julio para que dende a banda dereita sorprenda ao porteiro visitante de disparo preciso por arriba (minuto 87)

 

3 - 1 (CARLOS) Balón solto na área numantina que aproveita Carlos para superar a Cristian.

 

CRÓNICA:

 

Nova vitoria do Numancia desta vez ante un dos equipos que loita pola permanencia, nunha tarde fría e soleada na que moitos aficionados de ambos equipos acudiron a disfrutar do fútbol modesto e da casa en Prados Vellos.

 

No primeiro tramo de partido estivo mais metido no encontro o Rosalía que gozaba dunha clara ocasión de gol cando Miguel envíaba lixeiramente fora un lanzamento cruzado dende fora da área. O Numancia foi espertando e Chapu avisaba cun disparo que rexeitaba Tino. No minuto 16 chegaba o 1 - 0 a balón parado tras cabecear Teti un gran córner lanzado por Julio. O partido entraba ata ó descanso nun tramo de moito centrocampismo. Rescatamos algún achegamento dos visitantes e unha nova ocasión de Chapu que non tiveron premio. O resultado no intermedio era de 1 - 0 favorable aos numantinos.

 

Na reanudación, saiu forte o Numancia. Chapu avisaba cun disparo que se estrelaba no longuero. E pouco despois, no minuto 54, chegaba o primeiro gol de Julio despois dunha maxistral asistencia de Chapu, establecendo o 2 - 0. Os adestradores movían os banquillos e o partido baixaba un pouco o seu ritmo. Os de Vilaboa perdoaban ocasións, incluido un disparo ao travesaño para desesperación da sua parroquia. No minuto 87 chegaba un novo gol de Julio para establecer o 3 - 0 sentenciando o partido. Acto seguido, Carlos anotaba o 3 - 1 para os de Vilaboa. O Rosalía apretou nos últimos minutos pero non foi capaz de conseguir ningún gol máis, terminando o partido co resultado xa coñecido de 3 - 1 favorable ao Numancia.

 

En resumo, partido serio do Numancia que conseguiu tres novos puntos ante un equipo que como se agardaba plantou cara ao Numancia deixando unha moi boa imaxe no campo de Prados Vellos.

 

En definitiva, unha vitoria que sirve ao Numancia para consolidarse na 6ª posición a un punto do San Mateo que e 5º e a dous do Perlío que é 4º. Quedan 10 xornadas de Liga nas que o primeiro equipo numantino loitará por terminar na zona media-alta da Segunda Autonómica (era cuestión de creer na xuventude). Como cando as vitorias chegan e as cousas van ben todo é mais fácil e mais xente nos xuntamos, estamos seguros de que o próximo domingo as 16:30 no campo de Trasancos a Marea Vermella acompañara ao Numancia no partido ante o 5º clasificado, o San Mateo, nun encontro no que o Numancia pode subir postos na clasificación en caso de vitoria. ¡¡¡Vémonos TOD@S (agora si que si) o próximo domingo en San Mateo).

 

O Numancia somos tod@s.

 

"Es, a menudo, más conveniente disimular que vengarse"(Confucio)

 

¡¡¡AUPA NUMANCIA¡¡¡

 

Pulsa no seguinte enlace para ver os resultados, clasificación e fichas técnicas da xornada.