Inicio Noticias Afeccionados AFECCIONADOS. ROSALIA, 1 - NUMANCIA, 3.
 
 

AFECCIONADOS. ROSALIA, 1 - NUMANCIA, 3.

VITORIA BALSÁMICA

Vitoria do equipo de modestos do Numancia de Ares por 1 a 3 fronte o C.D. Rosalía na súa visita ó campo de O Lameiro. O encontro correspondente a quinta xornada da Liga chegou ó descanso con empate a cero.

 


Vilaboa, 12 de outubro  de 2014.

FICHA TECNICA

C.D. ROSALIA: Tino, Rubi, Alberto (C) (Pitu 83´), Adrián, Mesi, Jose, Alex (Iván 57´), Carlos, Samuel, Miguel (Kon 72´) e Figu (Esteban 54´).

Adestrador: José Carlos Teijeiro Freire.

Delegado: José Antonio Castro Casal.

NUMANCIA DE ARES: Carlos, Álvaro, Martín, Alberto, Antón (C), Juan (Roque 76´), Manu, Paulo, Alex Pita (Borja 46´), Adrián (Teti 57´) Darío (80´) e Fernando (Pepe 67´).

Adestrador: Marcos Amor Roel.

2º adestrador:
Manuel Antonio Cartelle Permuy.

Delegado:
José Ramón Hermida Varela.

ARBITRO: D. Eduardo Pereira Dobarro. Mostrou tarxeta amarela a Alberto, Jose e Figu polo Rosalía. Polo Numancia vírona, Alex Pita, Juan e Antón. Resultaron expulsados, Esteban, con vermella directa, e Adrián, por dobre amarela, ambos os dous do Rosalía.

GOLES:

0 - 1: MANU (min. 49), presión numantina á saída do balón dende atrás que propicia a indecisión defensiva dos locais para sacar o balón da área, Manu pelexa e rouba o esférico e de disparo cruzado dende o lateral da área pequena marca.

1 - 1: ESTEBAN (min. 80), balón centrado dende banda dereita que se pasea por diante da portaría e que remata Esteban no segundo pau entrando dende atrás.

1 - 2: BORJA (min. 82), disparo de Borja dende a frontal que supera o porteiro por arriba.

1 - 3: ANTON (min. 86), falta botada dende a esquerda por Borja e Antón de cabeza cruza o balón ao segundo pau.

 

 



Partido con moi pouco que contar no que respeta a primeira parte. Moito centrocampismo e escasas chegadas claras a porta. Apenas podemos contabilizar unha ocasión para cada equipo. A solvencia defensiva dos dous equipos apenas deu opción aos dianteiros de aproximarse con perigo ás respectivas áreas. Pouco traballo para os gardametas que solucionaron sen ningún atranco os poucos disparos que conseguiron encadrarse entre os tres paus. Ao descanso chegouse con empate a cero.

A segunda metade comezaba coa primeira ocasión clara do partido. Unha entrada por la ezquerda con centro colgado ao segundo pau rematábao Figu por enriba do longueiro. Apenas dous minutos máis tarde, Manu aproveita unha indecisión defensiva dos locais e conseguía roubarlles o balón para adiantar os de Ares.

Co marcador en contra o Rosalía buscou o empate e embotellou os aresanos no seu campo, os cales trataban de saír á contra pero con escasa profundidade. Durante os vinte minutos seguintes, faltas, córneres e balóns á área propiciaron varias ocasións de empate para os locais, os que aproveitaban a altura dos dianteiros, e dos centrais nas xogadas a balón parado. Pero o pouco acerto local, a seriedade defensiva dos de Ares, e o meta Carlos, que tivo moito traballo, conseguiron desbaratar as ocasións. De todas elas destacamos, un balón que Adrián non acerta a rematar pegado ao pau, un disparo ao longueiro, e unha grande intervención do meta aresano, quen nunha grande estirada envía a córner un remate de cabeza de Jose.

A partir da media hora de xogo o partido equilibrouse de novo. Os de Ares conseguindo desembarazarse da presión local e viuse un partido máis aberto ata que se cumpriu o tempo regulamentario.

No minuto 80, Esteban abría a lata e nun centro pasado pola área atina entre os tres paus para empatar o partido. Pero pouco duraría a alegría dos de Vilaboa posto que apenas transcorridos dous minutos, Borja de disparo dende a frontal volvía poñer de novo por diante os de Ares. A catro minutos do tempo regulamentario, Antón aproveitaba un libre directo de Borja, e de cabeza mataba definitivamente o partido co terceiro tanto numantino.

Próximo domingo interesante partido en Prados Vellos onde os de Ares reciben a visita do San Mateo.

PICA AQUI para ver os resultados da xornada e a clasificación xeral.

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.