AFECCIONADOS. PRESENTACIÓN DOTORNEO CONCELLO DE ARES.
DOMINGO, 14 DE AGOSTO, ÁS 18.30 H.
NUMANCIA – G. MUGARDOS
Coa presenza do alcalde aresán, d. Julio Iglesias, e o concelleiro de deportes, d. José Juan Vilar, foi presentada o pasado mércores a XXVII edición do torneo “Concello de Ares”.
Ares, 13 de agosto de 2014
No acto tamén estaban presentes, en representación do Numancia, o delegado, José Ramón Hermida; o capitán, Alejandro Costa, e o directivo, Xoán Vázquez.
Ademais, aproveitouse esta ocasión para que as peñas futbolísticas aresás realizaran a doazón das camisetas dos seus clubs, coa finalidade de sortealas durante o torneo de F-8 “Pedro García Vilar”.
Nesta vixésimo sétima edición, o torneo reunirá os dous equipos rivais: un Galicia de Mugardos de categoría superior (Preferente autonómica), reforzado con dous xogadores aresáns, e o Numancia local, de segunda autonómica, formado integramente por xogadores procedentes da canteira. Un partido que servirá para que os afeccionados locais poidan coñecer o Numancia da temporada 2014-15, un equipo renovado que necesitará do apoio dos seus siareiros para afrontar este choque.