APRAZADO O PARTIDO DE IDA PORTUARIOS - NUMANCIA

Atendendo a petición do Portuarios, o Numancia accedeu ao aprazamento do partido sinalado para o martes, 6 de decembro. 

Ares, 4 de decembro de 2016.

A falta de xogadores dispoñibles para este partido levou aos dous clubs semifinalistas a un aprazamento do partido de ida. Realmente, estas datas non son as máis adecuadas para os rapaces pois están nunha época de exames. Consultada a delegación ferrolá, facilitou este aprazamento a condición de que a eliminatoria quede resolta nestas vacacións de Nadal. En consecuencia, os partidos quedan para xogarse ao remate das clases:

venres, 23 de decembro: Portuarios - Numancia, en Aneiros.

martes, 27 / mércores, 28 de decembro: Numancia - Portuarios, en Prados Vellos.