Inicio Noticias Xuvenís XUVENIS. CARIÑO, 1 - NUMANCIA, 6.
 
 

XUVENIS. CARIÑO, 1 - NUMANCIA, 6.

VIAXE CON PREMIO.

Vitoria ben traballada e sensación de equipo serio e competitivo.




Ares, 12 de outubro de 2015

Partido correspondente á quinta xornada da primeira fase da Primeira Autonómica xuvenil, grupo B, disputado en Cariño. Ao descanso, o marcador indicaba un resultado de 1 – 3. A salientar o estreo coa camiseta do Numancia do xogador Cristian Antón, procedente do R. de Ferrol.

FICHA TÉCNICA:

CARIÑO: Carlos (Brais), Noel, Dos Santos, Julián (Julen), Adrián, Manuel, Díaz (Jesús), Barcón, Sueiras, Martínez e Miguel (Anxo).

Adestrador: Gonzalo López.

Delegado: Brais López.

NUMANCIA: Quique (Dani), Emi, Cartelle, Óscar (Gil), Ferro (Raúl), Martín (Miguel), Fran (Cristian), Elías, Carlos, Antón e Marcelo.

Adestrador: Miguel Carballeira.

Delegado: José M. Antón.

ÁRBITRO: Raquel Ortega. Foron amoestados Adrián Núñez (Cariño) e Martín e Gil (Numancia).

GOLES:


1 – 0 (m.4): Adrián Díaz.

1 – 1 (m. 21): Antón.

1 – 2 (m. 26): Martín (penalti).

1 – 3 (m. 37): Marcelo.

1 – 4 (m. 58): Martín.

1 – 5 (m. 71): Antón.

1 – 6 (m. 79): Raúl.

COMENTARIO: Pódese dicir que saímos do vestiario cun gol en contra, pois aos catro minutos, e sen chegar a crear ocasión de gol, o equipo local aproveitou unha indecisión na defensa para adiantarse no marcador. Este gol serviu para que os xogadores do Cariño colleran máis folgos e defenderan con máis ardor, resistindo os constantes ataques do Numancia e intentando saír con algún contraataque, case sempre ben freado polos centrais aresáns.
Numancia de Ares.
Houbo que agardar case vinte minutos para ver como se igualaba o partido no marcador, aproveitando Antón un rexeite do porteiro a disparo de Fran. E unha vez que entrou o primeiro gol, era cuestión de paciencia e esperar que as continuas ocasións de gol que se creaban foran materializándose en novos goles. Exemplo desa paciencia e de mover o balón efectuando fáciles transicións, témolo no terceiro gol, cando Marcelo, situado na banda esquerda e con defensas pechando a súa internada, recúa co balón para atrás e entrégao ao medio centro, quen continúa desprazándoo á banda dereita, onde Carlos entra ata a liña de fondo e centra raso para que, de novo Marcelo, remate ao fondo das redes.

Este terceiro gol antes do descanso pechou o partido, non porque os xogadores locais se rendesen senón porque o Numancia xa tivo a seguridade de que o partido non se lles ía torcer.

E na segunda parte, continuamos cun dominio absoluto, controlando totalmente o partido. Houbo ocasión para que entrasen todos os convocados e o nivel non baixou, seguindo xogando cun ritmo e intensidade alta. Entraron tres goles máis e houbo máis ocasións que entre o porteiro local e a madeira evitaron un resultado máis avultado.

O próximo sábado, ás cinco da tarde en Prados Vellos, preséntase o primeiro exame serio e case definitivo para seguir optando aos primeiros postos da clasificación. Chega un Portuarios invicto e líder da competición. Será o momento de demostrar ata onde pode chegar este equipo.

Pulsa no seguinte enlace para ver os resultados, clasificación e fichas técnicas da xornada.

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.