Xuvenís: Numancia, 1 - E.F. Ensanche, 1
Faltou acerto
Prados Vellos, Ares a 29 de novembro de 2014.
Aliñacións:
ADR Numancia de Ares: Roberto, Emi, José Manuel (Darío), Pablo Cartelle (Óscar), Nico (Miguelín), Fran, Iván (C) , Carlos, Miguelito (Ángel), Martín e Marcelo.
Adestrador: Alejandro González Domínguez
Delegado: José Antonio Couce Iglesias
E.F. Ensanche: Paco, Carlos, Jandro, Miguel (Arantón), Julián (C) (Borjita), Manu, Koke (Ángel), Maceira, Borja, Dani e Salceda (Ito)
Adestrador: José Antonio Rivera López
2º Adestrador: Rubén Rodríguez Fernández
Delegado: Francisco Gómez Costoya
Árbitro: D. Manuel Jesús Bejarano Estepa, amosou cartóns amarelos a Koke, Julián, Jandro, Manu e Dani pola E.F. Ensanche e a José Manuel, Nico, Miguelito e Darío do Numancia. Tamén amosou cartón vermello ó adestrador local.
Goles: Pablo Cartelle para o Numancia e Koke para a E.F. Ensanche.
1 : 0 [3’] Pablo Cartelle. Recuperación en campo propio de Pablo Cartelle e condución do propio xogador polo centro lixeiramente escorado á dereita ata entrar na área rival. Batendo ó meta visitante de tiro cruzado.
1 : 1 [27’] Koke. Erro local que remata nun barullo diante da porta aresana, cando parecía resolta a situación un defensa local fai un penalti tan claro como innecesario. Penalti transformado por Koke.
Saíu moi ben plantado no campo o Numancia e ós tres minutos xa gañaban grazas a unha xogada de forza de Pablo Cartelle, recuperación, condución e gol. Xogábase con intensidade e parecía que o partido podería ser doado para os locais.
Os contratempos chegaron coa lesión de Pablo Cartelle ós catorce minutos que obriga a realizar o primeiro cambio. Ainda así o conxunto local non perdeu efectividade defensiva e seguía a atacar nun partido que se estaba a poñer duro e trabado.
Un erro defensivo local nunha mala saída de balón propiciou a única xogada clara de perigo visitante. Balón ó pau, paseo por diante da porta e cando parecía que o perigo estaba resolto falta clara e innecesaria que remata en penalti a favor dos visitantes.
A pena máxima é aproveitada por Koke para anotar o empate co que se chegaría ó descanso, e co que remataría o encontro.
O Numancia buscou o gol e tivo a oportunidade nun penalti sobre Iván que él mesmo executaría pero que Paco sería quen de adiviñar o lanzamento e despexar a saque de esquina.
O meta visitante converteuse no principal artífice do empate ó realizar varias paradas de mérito tanto en xogada como a balón parado a tiros de Martín e Carlos respectivamente.
A segunda metade máis do mesmo, ocasión locais e defensa férrea visitante que poñía máis intensidade no medio campo gañando balóns pero sen xerar perigo. O pouco perigo chegaba a balón parado, en saques de esquina, ou faltas, pero unhas veces a defensa e outras Roberto impedían que os ferroláns sacaran proveito.
Os locais disporían de varias ocasión na segunda metade, pero novamente o porteiro Paco estaría inspirado ó parar un remate de Marcelo e outra falta ben executada por Carlos.
O final empate nun partido onde os locais pagaron caros un erro defensivo e a falta de puntería. Mentres que o punto para os de Ferrol sóubolles ben grazas sobre todo a boa labor do seu meta.
Con este empate o Numancia perde o liderado en favor do Perlío e queda con catro puntos na segunda praza. A vindeira semana os de Ares visitarán o campo de A Gándara de Pontedeume para medirse ó Eume en encontro correspondente á terceira xornada deste igualado grupo de xuvenís local.