XUVENÍS. G. MUGARDOS, 4 - NUMANCIA, 1.
A MALA SORTE, E DOUS REGALOS SENTENCIAN AOS DE ARES
O Numancia foi incapaz de romper a boa racha dos seus veciños, e co resultado do partido de hoxe, e o obtido polos aresáns a pasada xornada fronte ao Narón, fixeron máis líder ao Mugardos.
A Pedreira 8 de novembro de 2013
ALIÑACIONS
G. MUGARDOS: Monty, Chechu (Álvaro), Mario, Juan, Iván, Fabio (C), Jorge, Breijo, Alexis (Antonio), Josiño (Javi) e Nacho.
Adestrador: Ángel Aneiros Rodríguez.
2º adestrador: Jesús Sixto Gelpi.
Delegado: Miguel Ángel González López.
NUMANCIA: Xaime (Agustín), Darío (Jesús), Alberto, Pepe (C), Martín, Adrián (Isaías), Miguelito (Pérez), Marcelo, Iván, Roque (Miguel) e Ángel.
Adestrador: Alejandro González Domínguez.
2º adestrador: Manuel Antonio Bardanca López.
Delegado: Manuel Novoa Conde.
ARBITRO: Francisco García Rodríguez. Amoestou a Jorge, Breijo e Iván do Mugardos, tamén viron cartolina amarela Martín e Jesús polo Numancia.
GOLES:
1 - 0: Fabio (min. 17), contraataque do Mugardos por banda dereita, centro á frontal que remata Fabio, o balón dá en Marcelo que desvía a traxectoria do balón.
1 - 1: Ángel (min. 40), pase de Martín ás costas da defensa sobre Ángel que nun man a man con Monty bateo de disparo cruzado raso.
2 - 1: Fabio (min. 66), lanzamento de falta á área, mal rexeitamento de Xaime, fórmase un rebumbio de disparos e rexeitamentos na área pequena, finalmente Fabio acerta co fondo da portaría.
3 - 1: Nacho (min. 67), balón colgado á área visitante sen aparente perigo, a falta de entendemento entre Xaime, Jesús e Alberto déixanlle o balón en bandexa para Nacho que marca a porta baleira.
4 - 1: Iván (min. 80), lanzamento de libre directo de Iván que toca na barreira, desvíase a traxectoria do balón e se coa na portaría.
Partido que comezaba con respeto e precaucións por parte dos dous equipos. Aos sete minutos de xogo o Mugardos desaproveita o lanzamento dunha pena máxima ao deter Xaime o lanzamento de Nacho. Dous minutos despois volvían ser os locais os que terían unha nova oportunidade; lanzamento de esquina, Iván, só no segundo pau remata de cabeza e Xaime responde cunha gran parada.
Nestes minutos iniciais eran os locais os que tomaban a iniciativa. Con esa iniciativa, no minuto 15, e nunha xogada desafortunada para os de Ares, despois dun disparo que toca en Marcelo, chegaría o primeiro gol local. No minuto 21, nova ocasión local, disparo de Breijo dende tres cuartos de campo que se estrela no longueiro. O balón continuaba circulando dunha portaría a outra, pero o perigo levábanno os mugardeses.
No minuto 24, sería a ocasión para os de Ares, balón colgado á área que queda rifado entre Monti e Marcelo, éste último toca, pero o balón vaise fóra. Esta foi a xogada que espertou os de Ares posto que a partir de aquí colleron o control do partido ata cinco minutos antes da finalización do primeiro período.
No minuto 25, o colexiado anula un gol aos de Ares por suposto fóra de xogo. E no minuto 40 chegaría o gol do empate, o que supoñía un xusto premio ao visto no último cuarto de hora de partido. Co resultado de empate a uns marcharíamos ao descanso.
Segunda metade de centrocampismo durante o primeiro cuarto, cun único disparo a porta de Josiño ao que Xaime responde cunha boa parada. Non estaría tan acertado o porteiro visitante poucos minutos máis tarde no rexeitamento dun balón, o que propicia a chegada do segundo gol local. Nin tampouco a zaga aresana na xogada seguinte que propicia o terceiro tanto. Dous regalos aresáns que poñían en bandexa o partido para o Mugardos.
Con estes dous novos goles o partido rompeuse. O Mugardos xogou con máis comodidade, menos nerviosismo e máis confianza, froito do marcador a favor, en contra dun Numancia condicionado polo resultado. O centrocampismo habido ata a consecución do 3 - 1, converteuse nun partido de pouco control e pouco fútbol, duns por conseguir a goleada e doutros por buscar a remontada. Neste ir e devir do partido, chegaría o cuarto gol local, nunha nova xogada de infortunio para os numantinos.
En resumo primeira parte con xogo repartido entre os dous equipos aínda que con ocasións e maior sensación de perigo por parte dos locais. Na segunda metade, dous regalos dos de Ares, puxéronlle o partido en bandexa a un Mugardos que puxo a guinda ao pastel cun novo infortunio visitante. Aínda así, merecida, aínda que abultada, vitoria do Mugardos que lle puxo algo máis de casta ao partido.