XUVENÍS. PRESENTACIÓN DO ADESTRADOR
ÁLEX GONZÁLEZ DIRIXIRÁ AO NUMANCIA XUVENIL NA TEMPORADA 2013-14
Procedente do Eume cadete, Álex será presentado este vindeiro xoves, 20 de xuño ás 20.30 h. coma novo adestrador dos xuvenís aresáns, substituíndo a Marcos.
Ares, 17 de xuño de 2013
O cambio obrigado de adestrador no equipo de afeccionados, tras a marcha de Bardanca e Marcelino, motivou a designación de Marcos Amor, o recén nomeado mellor adestrador xuvenil da comarca ferrolá, como o adestrador do equipo de segunda autonómica numantino, ocupando a vacante deixada por motivos laborais do excelente dúo. Sen dúbida, un novo reto para Marcos que estamos seguros afrontará coa súa coñecida entrega e ilusión.
Á súa vez, a vacante deixada por Marcos na categoría xuvenil temos a fortuna de poder cubrila con Álex, adestrador durante moitas temporadas no Eume. Sabemos da súa vocación, do seu compromiso, competencia e gañas, así que podemos felicitarnos por contar coa súa colaboración.
Todos os xogadores do Numancia que a vindeira temporada pertenzan á categoría xuvenil están citados no club este xoves, 20 de xuño, ás 20.30 h.